• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីពេលថ្មីៗក្រុមហ៊ុន Tesla បានប្រកាសតំឡើងថ្លៃរថយន្ដអគ្គិសនីរបស់ខ្លួន ដោយសារតែបញ្ហាខ្វះខាតគ្រឿងបង្គុំ និងបន្ទះឈីប។

តាមរយៈតារាងតម្លៃនៅក្នុងវេបសាយរបស់ Tesla បានបង្ហាញថា Tesla Model X Long Range និង Tesla Model S Long Range ត្រូវបានតម្លើងថ្លៃចំនួន $5000 ដែលត្រូវនឹងតម្លៃដាក់លក់ $104, 990 និង $94, 990 

ហើយម៉ូដែលពីរទៀតគឺ Tesla Model 3 និង Model Y ឡើង $2000 បន្ថែមពីលើតម្លៃចាស់ ដែលពេលនេះតម្លៃដាក់លក់គឺ Model Y Long Range ​$56, 990 និង Model 3 Standard Range Plus ឬ Model 3 SR+ តម្លៃ $41, 990។ 

នៅក្នុងសន្និសិទ្ធប្រជុំម្ចាស់ភាគហ៊ុនប្រចាំឆ្នាំរបស់ Tesla លោក Elon Musk បានឲ្យដឹងថាការតំឡើងថ្លៃរថយន្ដនេះ គឺបណ្ដាលមកពីបញ្ហាកង្វះខាតការផលិត និងការនាំចូលនូវគ្រឿងបង្គុំ និងបន្ទះឈីប សម្រាប់ផលិត ព្រមជាមួយនឹងការរឹតបន្ដឹងច្រកនាំចេញ-នាំចូលនៅកំពុងផែប្រទេសចិនផង ធ្វើឲ្យដំណើរការផលិតរថយន្ដបានតិច និងយឺតយ៉ាវ។

លោកក៏បានបន្ថែមទៀត ថាយ៉ាងណាការតម្លើងថ្លៃនេះគឺធ្វើឡើងក្នុងលក្ខណ្ឌបណ្ដោះអាសន្នប៉ុណ្ណោះ ហើយតម្លៃនឹងធូរថយមកវិញនៅពេលដែលស្ថានការណ៍ត្រឡប់មកជាប្រក្រតី។ 

កាលពីឆ្នាំមុនលោក Elon Musk បានធ្វើការសន្យាថានឹងទម្លាក់តម្លៃឲ្យមកនៅទៀបបំផុតដែលសមរម្យ គឺត្រឹម $25,000 នៅក្នុងឆ្នាំ ២០២៣ ប៉ុន្ដែដោយសារតែស្ថានការណ៍បានផ្លាស់ប្ដូរនាំឲ្យមានការពន្យាពេលផលិត ធ្វើឲ្យគេសន្និដ្ឋានគម្រោងនេះនឹងមិនទាន់អាចសម្រេចបាននៅឡើយទេ។ 

គួរបញ្ជាក់ផងដែរថា សម្រាប់អតិថិជនដែលធ្វើការកក់បញ្ចាទិញរថយន្ដ Tesla ពីពេលនេះទៅត្រូវរង់ចាំយ៉ាងហោចណាស់ដល់ខែកញ្ញាឆ្នាំ ២០២២ ទើបរថយន្ដបានធ្លាក់មកដល់ដៃ។ 

ប្រភព៖ Business Insider ប្រែសម្រួល៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto