កាលពីឆ្នាំមុនកន្លងទៅនេះ លោក Elon Musk ស្ថាបនិកក្រុមហ៊ុនផលិតឡានអគ្គសនី Tesla បានប្រកាសគម្រោងចេញលក់ឡានអគ្គសនីតម្លៃទាបត្រឹម $25, 000 នៅឆ្នាំ ២០២៣ ខាងមុខនេះ។ 

ឡាននេះវាត្រូវបានគេឲ្យឈ្មោះមិនទាន់ជាផ្លូវការថា Tesla Model 2 ដែលនឹងត្រូវបានបំពាក់ដោយបច្ចេកវិទ្យាអាគុយថ្មី ដែលអាចកាត់បន្ថយការចំណាយរហូតទៅដល់ ៥០% ព្រមទាំងត្រូវបានឌីហ្សាញជាប្រភេទរថយន្ដ Hatchback និងគ្រោងដំណើរការការផលិតនៅ រោងចក្រ Gigafactory ក្នុងក្រុង សៀងហៃ ប្រទេសចិន។ Tesla ក៏បានប្រកាសនូវគម្រោងសាងសង់មជ្ឈមណ្ឌល ស្រាវជ្រាវនិងអភិវឌ្ឍន៍ (R&D) ថ្មីក្នុងប្រទេសចិនផងដែរ។

តាមការចុះផ្សាយរបស់ Electrek បានឲ្យដឹងថា លោក Elon Musk បានសួរទៅបុគ្គលិកគាត់ថា “តើឡានក្រោយនេះគួរដាក់ឈ្នាក់ហ្កែរ និងចង្កូតឬក៏អត់” ដែលស្តាប់មើលទៅ គាត់ដូចជាអត់ចង់ដាក់ចង្កូតឲ្យឡាន tesla ថ្មីនេះទេ ។ 

លោកក៏បានបន្ថែមទៀតថា ក្រុមហ៊ុនកំពុងតែអភិវឌ្ឍនូវប្រព័ន្ធបើកបរដោយស្វ័យប្រវត្តិដំណាក់កាលសាកល្បង (Full self Driving Beta Version) នៅសហរដ្ឋអាមេរិក ឲ្យកាន់តែមានប្រសិទ្ធភាពជាងមុន និងកាន់តែប្រសើរជាងមនុស្សបើកបរដោយផ្ទាល់ ។

ប្រភព៖ Electrek ប្រែសម្រួល៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

Telegram : 👉Advan Auto