👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ………………………………………………………………………………….

ដៃគូផ្គត់ផ្គង់អាគុយយូរឆ្នាំរបស់ Tesla, Panasonic ប្រកាសថា ខ្លួនគ្រោងនឹងជះលុយវិនិយោគ ៤ ពាន់លានដុល្លារ សាងសង់រោងចក្រផលិតថ្ម (អាគុយ) សម្រាប់ឡានអគ្គិសនី នៅតំបន់សេដ្ឋកិច្ចពិសេស Kansas សហរដ្ឋអាមេរិក តែមិនបញ្ជាក់ថា ផ្គត់ផ្គង់ឲ្យ Tesla ឬអត់នោះទេ។ 

តាមការចុះផ្សាយពីសារព័ត៌មាន Forbes ថ្មីៗនេះ បានឲ្យដឹងថាក្រុមហ៊ុនផលិតថ្មល្បីឈ្មោះដើមកំណើតជប៉ុន Panasonic គ្រោងនឹងវិនិយោគទឹកប្រាក់ ៤ ពាន់លានដុល្លារ សម្រាប់ការសាងសង់រោងចក្រផលិតអាគុយឡានអគ្គិសនីខ្នាតធំ នាពេលឆាប់ៗខាងមុខ ក្នុងក្រុង Do Seto រដ្ឋ Kansas សហរដ្ឋអាមេរិក ដែលអាចផ្ដល់ការងារកម្រិតខ្ពស់បានដល់ ៨០០០ កន្លែង នេះបើតាមសម្ដីរបស់លោកស្រី Laura Kelly អភិបាលរដ្ឋ Kansas ។ 

ខណៈដែលគេស្គាល់ថា Panasonic ជាដៃគូជិតស្និទ្ធជាមួយនឹង Tesla ក្រុមហ៊ុនផលិតថ្មល្បីឈ្មោះមួយនេះ ក៏ជាដៃគូល្អ ជាមួយក្រុមហ៊ុន Toyota ផងដែរ ដោយក្នុងករណីនេះ ផលិតផលអាគុយដែលនឹងផលិតបានក្នុងរោងចក្រខ្នាតធំថ្មីនេះ នឹងត្រូវ ផ្គត់ផ្គង់ឲ្យក្រុមហ៊ុនផលិតរថយន្ដអគ្គិសនីមួយណានោះ Panasonic មិនទាន់បង្ហើបឲ្យដឹងនៅឡើយទេ។

គួររំឭកថា Tesla និង Panasonic ធ្លាប់បានធ្វើការជាមួយគ្នារួចមកហើយក្នុងទឹកដីអាមេរិកនេះ ជាមួយនឹងរោងចក្រខ្នាតធំរបស់ Telsla ក្នុងក្រុង Spark រដ្ឋ Nevada ដែលក្នុងនោះអាគុយដែលផលិតបានជាង ៦ពាន់លាន ក្នុងរោងចក្រទាំងអស់របស់ Panasonic នៅអាមេរិក ភាគច្រើនគឺផ្គត់ផ្គង់ទៅ Tesla ប៉ុន្ដែ Panasonic បានឲ្យដឹងថា កាលពីឆ្នាំមុនខ្លួនបានលក់ ចំណែកហ៊ុនដែលចូលជាមួយ Tesla ចំនួន ៣.៦ ពាន់លានដុល្លារ តែនៅរក្សាការសហការគ្នាដដែល។ 

ស្របពេលដែល Panasonic មិនទាន់បញ្ជាក់ថា នឹងផ្គត់ផ្គង់អាគុយថ្មី របស់ខ្លួនទៅក្រុមហ៊ុនមួយណានៅឡើយ ក្នុងរយៈពេលចុងក្រោយនេះ មានក្រុមហ៊ុនផលិតរថយន្ដអគ្គិសនីជាច្រើនដូចជា Ford, Hyundai, Kia, General Motor និង Volkswagen ជាដើម កំពុងតែកំដៅសាច់ដុំ ដូចជា បញ្ចេញឡានអគ្គិសនីម៉ូដែលថ្មី និងគម្រោងដាក់ទុនវិនិយោគផ្សេងៗ លើទីផ្សារអាមេរិកផងដែរ។ 

អត្ថបទ៖ Andra  AdvanAuto 
 …………………………………………………………………..
ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖
Follow Facebook Page : 👉 Advan Auto
Subscribe Youtube Channel : 👉Advan Auto
Follow TikTok : 👉Advan Auto
Follow Instagram : 👉Advan Auto