ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ថ្មីនេះ រដ្ឋាភិបាលថៃបានព្រាងគោលការណ៍ថ្មី គ្រោងកាត់បន្ថយពន្ធនាំចូលរថយន្ដអគ្គិសនី និងឧបត្ថម្ភលុយមួយចំនួន ដើម្បីអភិវឌ្ឍន៍ទីផ្សាររថយន្ដអគ្គិសនី និង ជំរុញការវិនិយោគផលិតកម្មរថយន្ដអគ្គិសនី ក្នុងគោលបំណងក្លាយជាមជ្ឍមណ្ឌលឧស្សាហកម្មរថយន្ដគ្មានជាតិបំពុល ធំជាងគេប្រចាំអាស៊ីអាគ្នេយ៍ ក៏ដូចជា សម្រេចគោលការណ៍ផលិតកម្មគ្មានការបំពុលបរិយាកាស ១០០% នាឆ្នាំ ២០៣៥ របស់ខ្លួន។ 

យោងតាមលិខិតស្នើសុំ របស់គណកម្មាធិការ គោលនយោបាយយានយន្ដអគ្គិសនីអន្តរជាតិរបស់ប្រទេសថៃ កាលពីពេលថ្មីៗនេះ បានឲ្យដឹងថា រដ្ឋាភិបាលកំពុងពិចារណាលើគម្រោងការ ឧបត្ថម្ភទឹកប្រាក់ លើការទិញរថយន្ដអគ្គិសនី គិតទៅតាមម៉ូដែល ប្រភេទ ព្រមទាំង កាត់បន្ថយអត្រាពន្ធគយរថយន្ដអគ្គិសនី ទាំងក្នុងស្រុក​ និងនាំចូលពីក្រៅស្រុក ទាំងរថយន្ដដែលនាំចូលមកទាំងមូល និងដោយផ្នែក។

ក្នុងនោះដែរ ការផ្ដល់ជូននេះមានដូចជា ការជួយចេញលុយ ចន្លោះពី ២០៩៣ ដុល្លារ ទៅ ៤៤៨៥ដុល្លារ លើការទិញរថយន្ដអគ្គិសនី និង ៥៣៨ ដុល្លារ សម្រាប់ម៉ូតូអគ្គិសនី, រីឯពន្ធគយសម្រាប់ឡានផលិតក្នុងស្រុកត្រូវបានកាត់បន្ថយ ២% សម្រាប់ម៉ូតូ ៨% សម្រាប់រថយន្ដ និងលើកលែងសម្រាប់រថយន្ដដឹកទំនិញ។

ក្នុងនោះពន្ធនាំចូលរថយន្ដពី ក្រៅប្រទេសផលិតចន្លោះឆ្នាំ ២០២២-២០២៣ កាត់បន្ថយ ៤០% និងចុងក្រោយ គឺលើកលែងពន្ធសម្រាប់ការ នាំចូលគ្រឿងបង្គុំសំខាន់ៗរបស់រថយន្ដដែល មានដូចចជា អាគុយ និងម៉ូទ័រអគ្គិសនីជាដើម។  

គួរបញ្ជាក់ថាថៃ រំពឹងថានឹងទាញបានការវិនិយោគជាទឹកប្រាក់ជាង ៤០០ ពាន់លានបាត លើវិស័យឧស្សាហកម្មរថយន្ដ អគ្គិសនីនេះ ក្នុងរយៈពេលប៉ុន្នានឆ្នាំខាងមុខទៀត ហើយ ក្រុមហ៊ុនដែលគ្រោងមកបណ្ដាក់ទុនសាងសង់រោងចក្រ បន្ថែមរួមមាន ​Toyota Motor Corp., Foxconn Technology Group, China’s Great Wall Motor Con., និង PTT Plc ជាដើម។

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto