រថយន្ដ Classic ដើមកំណើតពីប្រទេស អាល្លឺម៉ង់ BMW 2002 Turbo ដែលបានបង្ហាញវត្តមានក្នុងបទចម្រៀងថ្មី របស់ VANNDA និងអ្នកចម្រៀងថៃ OG Bobby គឺជារថយន្ដដែលមានប្រវត្តិយូរយារ របស់ BMW តាំងពីឆ្នាំ ១៩៧៣ មកម្លេះ ដោយត្រូវបានក្រុមហ៊ុនផលិតចេញមកក្នុងចំនួនតែ ១៦៧២ គ្រឿងប៉ុណ្ណោះ ហើយបច្ចុប្បន្នវាមានតម្លៃដល់ទៅ ១៩ ម៉ឺន ដុល្លារជាង។
BMW 2002 Turbo ជារថយន្ដចំណាស់ល្បីឈ្មោះ របស់ BMW ដែលបានប្រែក្លាយការផលិតម៉ាស៊ីនរថយន្ដនៅអ៊ឺរ៉ុប ដោយសារតែវាជារថយន្ដប្រើប្រាស់ប្រព័ន្ធម៉ាស៊ីនដែលមាន Turbocharger ដំបូងគេ។
ដំណើរការដោយម៉ាស៊ីន M10 ២.០ លីត្រ ៤ ស៊ីឡាំង មាន turbocharge ដែល BMW បានអភិវឌ្ឈមកពី version មុន M10 2002 tii អាចផលិតកម្លាំងបាន ១៧០ ps ឬ ១៦៨ សេះ អាចឲ្យវាជាន់បានពីល្បឿន ០ ទៅ ១០០ គីឡូម៉ែត្រ ក្នុងមួយម៉ោងប្រើពេលត្រឹមតែ ៧ វិនាទី ជាមួយនឹងល្បឿនអតិបរិមា ២១១ គីឡូម៉ែត្រ ក្នុងមួយម៉ោង ក្នុងនោះ វាប្រើប្រាស់ប្រអប់លេខដៃ Getrag ២ ប្រភេទមាន ៤វគ្គ និង ៥វគ្គ។
លក្ខណៈពិសេសមួយទៀតនោះ គឺវាមានទម្ងន់ស្រាល ត្រឹមតែ ១០៨០ គីឡូក្រាម ប៉ុណ្ណោះ បណ្ដោយ ៤.២ ម៉ែត្រ ទទឹង ១.៦ ម៉ែត្រ ប្រើប្រាស់ម៉ូដ M ដែលជាម៉ូដប្រចាំត្រកូលរបស់ខ្លួន ដោយមានលាយឆ្នូតពណ៌ ក្រហម ខៀវស្រាល និងខៀវចាស់ ជាមួយតួខ្លួនពណ៌ស។ ផ្នែកខាងក្នុងត្រូវបានរៀបចំមកជាលក្ខណៈ classic បែបទសវត្ស ៧០ សាមញ្ញ មិនសាំញាំច្រើន មាន ៤ កៅអី និងទ្វារ ២។
គួរបញ្ចាក់ផងដែរថា BMW 2002 Turbo នេះ បានចាប់ផ្ដើមការផលិតពីក្នុងខែ កក្កដា ឆ្នាំ ១៩៧៣ ដល់ មករា ឆ្នាំ ១៩៧៤ និងលើកទី ២ នៅខែ កក្កដា ឆ្នាំ ១៩៧៥ ក៏ប៉ុន្ដែវាត្រូវបានក្រុមហ៊ុនផលិតមកតែ ១៦៧២ គ្រឿងប៉ុណ្ណោះ ដោយសារតែ កាលនោះពិភពលោក កំពុងជួបវិបត្តិប្រេងឥន្ធនៈ (ចាប់ផ្ដើមក្នុងខែ តុលា ឆ្នាំ ១៩៧៣) ដោយ BMW លក់វាចេញក្នុងតម្លៃ ១៨ ៧២០ mark ឬ ៩ ៥២១ ដុល្លារអាមេរិក ដែលបច្ចុប្បន្ន បើយោងទៅតាមវេបសាយលក់ឡាន Bring a Trailer បានឲ្យដឹងថា វាមានតម្លៃដល់ទៅ ១៩ ៣១០០ ដុល្លារ។
អត្ថបទ៖ Andra
Nissan Rogue 2025 ទើបចេញលក់ក្ដៅៗ ខណៈតម្លៃធូរជាងកាលឆ្នាំ 2024 ខ្ទង់ 2ពាន់ដុល្លារឯណោះ
នេះបានហៅថាបាឡែន! Toyota Previa ប្រើម៉ាស៊ីនបាឡែនរាងស្រដៀងត្រីបាឡែនជាឡាន Minivan ៧កៅអី នៅខ្មែរមានប្រើមួយៗដែរ
កាន់ 3ម៉ឺនដុល្លារស្ដើងចង់បានឡាន SUV កៅអី3ជួរអាចមើល Ford Everest នេះបានធ្លាប់ជាអតិតខ្លាញ់គោស្រុកខ្មែរ
មុនចូលឆ្នាំនេះ Camry LE, XLE ស្លាកលេខកំពុងត្រូវប៉ាន់ នឹងមានទីផ្សារល្អ ខណៈប្រភេទក្រដាសពន្ធស្ទើតែគ្មានសោះ
Nissan Rogue 2025 ទើបចេញលក់ក្ដៅៗ ខណៈតម្លៃធូរជាងកាលឆ្នាំ 2024 ខ្ទង់ 2ពាន់ដុល្លារឯណោះ
នោះ! Ford XL, XLT នឹង Wildtrak 2025 ផលិតនៅខ្មែរធូរថ្លៃជាងមុនរាប់ពាន់ដុល្លារ បើធៀបនឹងតម្លៃស៊េរីឆ្នាំ 2024
មកដឹងពីលក្ខខណ្ឌធានារយះពេលពេញមួយជីវិត របស់រថយន្តអគ្គីសនី AION នៅកម្ពុជា
មិនធម្មតា 𝗗𝗘𝗘𝗣𝗔𝗟 𝗦𝟬𝟳 រថយន្តអគ្គិសនីដែលសុវត្ថិភាពខ្ពស់កម្រិតស្តង់ដា ទទួលបានការវាយពិន្ទុផ្កាយ 5 ក្នុងការធ្វើតេស្តសុវត្តិភាពដោយស្តង់ដា ពីប្រទេសអូស្រ្តាលី ANCAP