គម្រោងផ្លូវដែកល្បឿនលឿនកម្ពុជា ១៦០ គម/ម៉ នឹងភ្ជាប់ផ្លូវដែកល្បឿនលឿនកាត់ ៧ ប្រទេស

រដ្ឋាភិបាលកម្ពុជា បានសម្រេចការសិក្សាគម្រោងធ្វើផ្លូវដែកល្បឿនលឿននៅកម្ពុជា ១៦០គម/ម៉ រួចរាល់ហើយ និងកំពុងតែពីភាក្សារកវិនិយោគទុនមកសាងសង់ សម្រេចក្នុងពេលឆាប់ៗនេះ ដែលភ្ជាប់ទៅ គម្រោងផ្លូវដែកល្បឿនលឿន ៧ប្រទេស ក្នុងតំបន់អាស៊ីអាគ្នេយ៍។

<i>រូបគម្រូ រថភ្លើងល្បឿនលឿននៅឡាវ</i> — *រូបគម្រូ រថភ្លើងល្បឿនលឿននៅឡាវ*

នៅក្នុងកិច្ចសម្ភាសស្ដីពី ការរីកចម្រើនរបស់កម្ពុជាលើវិស័យសាធារណការ និងដឹកជញ្ជូនរយៈពេល ៥ឆ្នាំកន្លងមក កាលពីពេលថ្មីៗ ឯកឧត្តមទេសរដ្ឋមន្រ្ដី ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូន បានមានប្រសាសន៍រៀបរាប់ពីសមិទ្ធផលនានាដែលកម្ពុជាសម្រេចបានចាប់ពីស្ពាន ថ្នល់ ការសាងសង់ និងលើកម្ពស់កម្រិតផ្លូវជាច្រើនខ្សែ ព្រមទាំងគម្រោងជាច្រើនផ្សេងទៀត ដែលកម្ពុជានិងស្ថាបនាបន្ដ ដែលក្នុងនោះ ឯកឧត្តមបានលើកឡើងពីគម្រោងសាងសង់ផ្លូវរថភ្លើងល្បឿនលឿន ដំបូងបង្អស់នៅកម្ពុជា ដែលបានសម្រេចការសិក្សារួចរាល់ហើយ នៅឡើយតែស្វែងរកការវិនិយោគទុនសាងសង់តែប៉ុណ្ណោះ។

<i>ផែនទីគម្រោងផ្លូវរថភ្លើងល្បឿនលឿននៅអាស៊ីអាគ្នេយ៍</i> — *ផែនទីគម្រោងផ្លូវរថភ្លើងល្បឿនលឿននៅអាស៊ីអាគ្នេយ៍*

គម្រោងនេះស្ថិតនៅក្នុងគម្រោងគម្រោងផ្លូវដែកឈ្មោះថា Pan-Asian Railway Network កាត់ប្រទេស ៧ ក្នុងតំបន់អាស៊ីអគ្នេយ៍ (ថៃ ឡាវ កម្ពុជា វៀតណាម មីយ៉ាន់ម៉ា សិង្ហបុរី និង ចិន) ដែលជាផ្នែកមួយនៃគម្រោងធំ Trans-Asian Railway Network Agreement នៅឆ្នាំ ២០០៦ ដែលមានសមាជិកចូលរួមចំនួន ១៨ ប្រទេស (ស្ថិតក្នុងគម្រោងខ្សែក្រវ៉ាត់ និងផ្លូវ BRI របស់ចិន) នេះតាមការឲ្យដឹងពី The Nation Thailand ហើយផ្លូវដែកល្បឿនលឿនដែលកាត់កម្ពុជានេះ នឹងភ្ជាប់ទៅផ្លូវដែកល្បឿនលឿនរបស់ថៃ និងឡាវ ដែលអាចដឹកទំនិញ និងអ្នកដំណើរផ្សេងៗ ត្រង់ទៅដល់ប្រទេសចិនតែម្ដង។ ឯកឧត្តម ក៏បានលើកឡើងដែលថា កម្ពុជា ក៏កំពុងសិក្សាគម្រោងផ្លូវដែកថែមមួយទៀត ដែលកាត់ពីប៉ោយប៉ែត សៀមរាប កំពង់ធំ កំពង់ឆ្នាំង ភ្នំពេញ ទៅបាវិត និងតភ្ជាប់ទៅគម្រោងផ្លូវរថភ្លើងរបស់វៀតណាមផងដែរ។

<i>បណ្ដាញផ្លូវរថភ្លើងនៅកម្ពុជា</i> — *បណ្ដាញផ្លូវរថភ្លើងនៅកម្ពុជា*

ជាមួយគ្នានេះ ឯកឧត្តមក៏បានជម្រាបជូនពីប្រពន្ធ័ផ្លូវដែកផ្សេងទៀត ដូចជា គម្រោងផ្លូវរថភ្លើងធុនស្រាល ទៅព្រលានយន្ដហោះថ្មីទាំងពីរ, ការសម្រេចលើកកម្រិតបណ្ដាញផ្លូវដែក ភាគខាងត្បូង (ភ្នំពេញ-ព្រះសីហនុ) និងបណ្ដាញផ្លូវដែកភាគខាងជើង (ប៉ោយប៉ែត-សីរីសោភ័ណ) ដែលបើកបាន ៨០គម/ម៉ និងដឹកជញ្ជូនបានពី ១៥ ទៅ ២០ តោនក្នុងមួយភ្លៅ ជាពិសេស គឺបានសម្រេចការសិក្សាគម្រោងផ្លូវរថភ្លើងក្រោមដី, Monorail និង AGT នៅភ្នំពេញ ដែលកំពុងតែស្ថិតក្នុងដំណាក់កាលពិភាក្សាជាមួយក្រុមហ៊ុនវិនិយោគឯកជនដើម្បីសាងសង់ឆាប់ៗនេះផងដែរ។

<i>រូបគម្រូ រថភ្លើងលើអាកាស កម្ពុជាសម្រេចការសិក្សា</i> — *រូបគម្រូ រថភ្លើងលើអាកាស កម្ពុជាសម្រេចការសិក្សា*

ប្រភព៖ ក្រសួងសាធារណការ និងដឹកជញ្ជូន

អត្ថបទ៖ Andra

លោកអ្នកអាចចូលទៅទស្សនាវីដេអូ Review រថយន្តផ្សេងៗទៀតនៅលើ YouTube Channel: ADVAN AUTO

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!

គម្រោងផ្លូវដែកល្បឿនលឿនកម្ពុជា ១៦០ គម/ម៉ នឹងភ្ជាប់ផ្លូវដែកល្បឿនលឿនកាត់ ៧ ប្រទេស

អត្ថបទថ្មី

អត្ថបទទាក់ទង

វីដេអូ