(ភ្នំពេញ  ថ្ងៃទី ២៩ ខែតុលា ឆ្នាំ២០២២)៖ ថ្ងៃទី ២៩ ខែតុលា ឆ្នាំ២០២២ ក្រុមហ៊ុន BMW Cambodia បាន​ប្រារព្ធព្រឹត្តិការណ៍ សម្ពោធរថយន្តជាផ្លូវការ THE NEW X7 ដ៏អស្ចារ្យដែលធ្វើឡើងនៅ អគារតាំងបង្ហាញរថយន្ត BMW Cambodia​ ផ្ទាល់តែម្តង ដែលមានទីតាំងស្ថិតនៅ ផ្លូវសហព័ន្ធរុស្សី (១១០)​ ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ ដែលកម្មវិធីនេះត្រូវបានអញ្ជើញចូលរួមដោយភ្ញៀវកិត្តិយសជាច្រើនផងដែរ។

រថយន្ត THE NEW X7 ពេលនេះបានឈានជើងមកដល់​ទីផ្សារប្រទេសកម្ពុជាហើយ ដោយនាំចូលផ្ដាច់មុខ ដោយក្រុមហ៊ុន Prestige Auto Co., Ltd.។ 

THE NEW X7 គឺជារថយន្ត ទំនើប ថ្មីស្រឡាង​ ជាមួយនឹងការច្នៃប្រឌិតដ៏អស្ចារ្យ ទៅលើសក្ដានុពលក្នុងការបើកបរ បូករួមនឹងច្ចេកវិទ្យាទំនើប ទាំងផ្នែកខាងក្នុង និងខាងក្រៅរថយន្ដ​។ 

លើសពីនេះទៅទៀត លក្ខណៈពិសេសបំផុត ​របស់ THE NEW X7 រួមមាន៖ 

• ប្រព័ន្ធប្រតិបត្តិការ BMW Operating System 8

• អេក្រង់កោង BMW (អេក្រង់បង្ហាញព័ត៌មាន​ទំហំ 12.3 អ៊ីញ និង អេក្រង់បញ្ជារ 14.9 អ៊ីញ)

• ម៉ាស៊ីនបំពាក់ជាមួយបច្ចេកវិទ្យា 48V mild hybrid ជំនាន់ចុងក្រោយ

•  ប្រអប់លេខ 8 វគ្គអូតូថ្មីហៅថា Steptronic

• កៅអីចំនួន 7 ជាស្តង់ដារ ឬ 6 កៅអី ជា Option

• មានការ Design ប្រភេទ Pure Excellence និង ប្រភេទ M Sport ដែលរចនាឡើងថ្មី

• រង្វង់យ៉ាន់ស្ព័រអាចជ្រើសរើសបានដល់ទំហំ 23 អ៊ីញ

• ជម្រើសម៉ាស៊ីនថ្មី ដែលមាន ២ ប្រភេទ៖

1. BMW X7 xDrive40i: ម៉ាស៊ីនសាំង 6 ស៊ីឡាំង មានកម្លាំង 2998cc និង 380 hp
2. BMW X7 M60i xDrive: ម៉ាស៊ីនសាំង 8 ស៊ីឡាំង មានកម្លាំង 4395cc និង 530 hp

• មានប្រព័ន្ធជំនួយអ្នកបើកបរថ្មី ដូចជា៖ មុខងារជំនួយពេលចូលចតរថយន្តដោយស្វ័យប្រវត្តិ, មុខងារជំនួយពេលអូសសណ្តោង, មុខងារជំនួយពេលត្រលប់ក្រោយ, មុខងារជំនួយពេលបំលាស់ទី និងមុខងារជាច្រើនទៀត

ជាមួយគ្នានេះដែរ រថយន្ត THE NEW X7 បានផ្តល់នូវប្រព័ន្ធទប់លំនឹង និងបច្ចេកវិទ្យាថ្មីទំនើបៗជាច្រើនដល់អ្នកបើកបរ ដោយអាចធ្វើការបត់បែនបានយ៉ាងងាយស្រួល រាល់ពេលធ្វើដំណើរនៅលើដងផ្លូវ។ 

ជាមួយនឹងការផ្លាស់ប្ដូរថ្មីនេះ THE NEW X7 នឹងក្លាយជារថយន្ដប្រភេទ SUV ដែលធ្វើឲ្យអ្នកបើកបរគ្រប់រូបមានអារម្មណ៍កាន់តែរំភើប សក្ដិសមបំផុត សម្រាប់ទាំងយុវវ័យ និងអ្នកជំនួញ​ដ៏ជោគជ័យ។

រួមគ្នានឹងបទពិសោធន៍ នៃការបើកបរដ៏អស្ចារ្យ រថយន្ត THE NEW X7 នឹងផ្តល់នូវផាសុកភាព ព្រមទាំង សុវត្ថិភាពខ្ពស់ ទោះបីជាបើកបរក្នុងចម្ងាយឆ្ងាយយ៉ាងណាក៏ដោយ។ មិនត្រឹមតែប៉ុណ្ណោះ ភាពប៉ិនប្រសព្វរបស់រថយន្ត THE NEW X7 រួមជាមួយនឹងប្រណិតភាពនៃការរចនា ទាំងផ្នែកខាងក្នុង និងខាងក្រៅ គឺពិតជាធានាថារថយន្ដ ដ៏ថ្មីស្រឡាងមួយនេះ នៅតែអាចឈរនៅលំដាប់ល្អដាច់គេ បើធៀបទៅនឹងរថយន្តដែលកំពុងប្រកួតប្រជែងដ៏ទៃទៀត។

សម្រាប់ថ្ងៃសម្ពោធដ៏ពិសេសនេះ​ រថយន្ត THE NEW X7 បានដាក់លក់ ជាមួយការធានា និងសេវាកម្មរយៈពេល ៣ ឆ្នាំ ពីក្រុមហ៊ុន BMW Cambodia ផងដែរ។

ក្រុមហ៊ុនរីករាយទទួលស្វាគមន៍រាល់អ្នកដែលនិយមស្រឡាញ់រថយន្ត BMW ទាំងអស់ មកកាន់អគារតាំងបង្ហាញរថយន្ត BMW Cambodia ដែលមានទីតាំងនៅលើមហាវិថីសហព័ន្ធរុស្ស៊ី (ជាប់នឹងមជ្ឈមណ្ឌល អ៊ែតវូត) ដែលអនុញ្ញាតឲ្យលោកអ្នក ធ្វើការបើកបរសាកល្បង និងទទួលយកបទពិសោធថ្មីដ៏អស្ចារ្យ ដែល BMW តែងតែផ្តល់ឱ្យ គឺ ភាពរីករាយក្នុងការបើកបរ!

ឬក៏អាចទាក់ទងមកកាន់លេខទូរសព្ទ 078 90 90 90 សម្រាប់ព័ត៌មានបន្ថែម និងការប្រឺក្សាជាមួយនឹងផ្នែកលក់។