ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ
https://bit.ly/3FZefOr
ឬផ្ញើ CV មកកាន់ ៖
Email: Sotheara@advan-auto.com
Telegram : 015 201 102
…………………………………………………………………..
ប្រសិនបើភាពធំទូលាយគឺជាអាទិភាពចម្បងរបស់អ្នកសម្រាប់រថយន្តថ្មី រថយន្តប្រភេទ MPV (Multi Purpose Vehicle) គឺជាជម្រើសល្អបំផុតសម្រាប់អ្នក ។ រថយន្តប្រភេទ MPV ផ្តល់ជូននូវផាសុកភាព, ភាពធំទូលាយ និងផ្នែកខាងក្នុងដ៏ធំល្អសម្រាប់ក្រុមគ្រួសារដែលមានសមាជិកច្រើន អមនឹងការផ្តល់នូវភាពបត់បែនគួរឱ្យទាក់ទាញ, ងាយស្រួលក្នុងការបើកបរ និងបូករួមទាំងប្រព័ន្ធសុវត្ថិភាពជាច្រើនដែលអាចការពារអ្នកដំណើរទាំងអស់ពីគ្រោះថ្នាក់ផងដែរ។
ជាការពិតណាស់ តម្លៃដ៏សមរម្យគឺជារឿងសំខាន់ ហើយមានរថយន្តជាច្រើនម៉ាកដែលបានដាក់លក់ក្នុងប្រទេសកម្ពុជាយើងមានដូចជា Toyota Rush តម្លៃ $35,500, រថយន្ត Mitsubishi Xpander តម្លៃ $35,500 និងរថយន្ត Maxus G50 តម្លៃ $33,000 ដែលត្រូវបានចាត់ចូលជាថ្នាក់នៃរថយន្ត MPV ខ្នាតតូច។ ហើយម៉ូដែលទាំងអស់នោះគឺផ្អែកលើការរចនាសម្រាប់គ្រួសារសម័យថ្មី និងបានវិវត្តន៍ខ្លួនស្រដៀងគ្នាជាមួយនឹងរថយន្តប្រណិតផងដែរ។ តោះមកដឹងពីព័ត៌មានលម្អិតនៃរថយន្តប្រភេទ MPV ទាំងនេះទាំងអស់គ្នា។
1. Toyota Rush
វាមានចំណុចល្អច្រើន ក៏ប៉ុន្តែផ្នែកខាងក្នុងរាងតូចបន្តិច។ ក្រុមហ៊ុនToyota បានកំពុងធ្វើឱ្យរថយន្ត Rush ក្លាយទៅ MPV ពេញនិយមប្រចាំឆ្នាំ ដែលមានភាពទាន់សម័យ និងកៅអីចំនួនប្រាំពីរសម្រាប់មនុស្សពេញវ័យ។ Toyota Rush គឺជារថយន្ត MPV ៧កៅអី ដែលមានការប្រកួតប្រជែងខ្ពស់ជាមួយនឹងរថយន្តផ្នែក MPV នៅក្នុងប្រទេសកម្ពុជា ហើយតម្លៃវិញគឺ $35,500។
ការរចនារបស់វាផ្អែកលើ Toyota Innova និង Avanza ដើម្បីឱ្យរូបរាងវាមើលទៅដូចរថយន្ត SUV។ Toyota Rush មានប្រវែងបណ្តោយ 4,435mm, ទទឹង 1,695mm, កម្ពស់ 1,705mm, និងគម្លាតកង់មុខនិងកង់ក្រោយ 2,685mm ហើយវាបានភ្ជាប់មកជាមួយយ៉ាន់ស្ព័រទំហំ 16 អ៊ីញ។ ម៉ូដែលនេះដែល Toyota ក៏ផ្តល់ការធានារយៈពេល ៣ ឆ្នាំ ឬ 100,000Km ផងដែរ។
2. Maxus G50
ប្រសិនបើលោកអ្នកកំពុងស្វែងរករថយន្ត MPV ដែលមិនចំណាយប្រាក់ច្រើននោះ Advan Auto សូមណែនាំរថយន្ត Maxus G50 ដែលមានតម្លៃចាប់ពី $34,000 និងមានការថែមជូនកម្រាលជើង, ផ្លាកលេខវែង, បិតស្កុតUVការពារកម្តៅ, សេវាកម្មប្តូរប្រេងម៉ាស៊ីនរយៈពេល១ឆ្នាំ និងធានាជូនរយៈពេល៥ឆ្នាំទៀតផង។
Maxus G50 ជារថយន្តដែលមានភាពងាយស្រួលក្នុងការបើកបរជាងគេក្នុងចំណាត់ថ្នាក់របស់ខ្លួនដែលរួមបញ្ចូលនឹងមុខងារគ្រប់គ្រងក្នុងពេលបើកបរដ៏ល្អ។ ខណៈពេលដែលផ្ទៃខាងក្នុងមានភាពទាន់សម័យជាងដៃគូប្រកួតប្រជែងមួយចំនួន វាក៏មានលក្ខណៈពិសេសជាច្រើនដែលលោកអ្នកបានរំពឹងទុកពីរថយន្តគ្រួសារ៨កៅអី ហើយវាមានប្រវែងបណ្តោយ 4,820mm, ទទឹង 1,825mm និងកម្ពស់ 1,780mm រួមជាមួយនឹងគម្លាតកង់មុខទៅកង់ក្រោយ 2,800mm ហើយទំហំខាងក្នុងនៃចន្លោះកៅអីជួរទីមួយគឺ 176mm , ចន្លោះកៅអីជួរទីពីរគឺ 161mm និងចន្លោះជួរទីបីគឺ 130mm រួមនឹងបរិមាណផ្ទុកចំណុះ 2000 លីត្រ សម្រាប់ឃ្លុបក្រោយដែលល្អគ្រប់គ្រាន់សម្រាប់ការផ្ទុកសម្ភារៈ និងផ្តល់ឱ្យសមាជិកគ្រួសារទាំងអស់មានភាពរីករាយទោះបីធ្វើដំណើរផ្លូវឆ្ងាយក៏ដោយ។
3. Mitsubishi Xpander Xpander
Xpander ជារថយន្តប្រភេទ MPV ថ្មីពី Mitsubishi មានតម្លៃ $35,500 ហើយវាបានបំពាក់នូវកៅអីចំនួន៧។ ប្រសិនបើយើងនិយាយអំពីរង្វាស់របស់ Mitsubishi Xpander វិញវាមានប្រវែងបណ្តោយ 4,500 mm, ទទឹង 1,800 mm និង គម្លាតកង់មុខកង់ក្រោយ 2,775 mm រួមជាមួយនឹងកម្ពស់ខ្ពស់ពីដី 225 mm។ កម្លាំងរបស់ Mitsubishi Xpander គឺបានមកពីម៉ាស៊ីនសាំងចំណុះ 1.5L ៤ស៊ីឡាំង និងមានប្រអប់លេខដៃ និងលេខអូតូ។ ដូច្នេះលោកអ្នកអាចជ្រើសរើសរថយន្ត MPV នេះបានព្រោះវាប្រហែលជាមិនឆើតឆាយពេកនោះទេ ប៉ុន្តែវានៅតែមានលក្ខណៈពិសេសសម្រាប់គ្រួសារទាំងមូលដែលកំពុងត្រូវការរថយន្តមួយដែលអាចប្រើប្រាស់បានគ្រប់កាលៈទេសៈប្រកបដោយផាសុកភាព រួមជាមួយនឹងកន្លែងដាក់អីវ៉ាន់ធំទូលាយផងដែរ។
ជារួមសព្វថ្ងៃនេះវិស័យរថយន្តប្រភេទ MPV កំពុងតែមានការកើនឡើង ដោយសារម៉ូដែលទាំងនេះផ្តល់នូវមុខងារប្រើប្រាស់ទំនើបៗជាច្រើននៅក្នុងតួរថយន្តប្រភេទ SUV ដ៏ទាន់សម័យ។ ខាងលើនេះ យើងបានជ្រើសរើសរថយន្ត MPV ល្អៗចំនួន៣ម៉ូឌែល ដែលមានលក់នៅកម្ពុជាយើង ហើយពួកគេមានចំណុចខ្លាំងនៃភាពធំទូលាយ និងតម្លៃខុសៗគ្នា។ ជាការពិតណាស់ ប្រសិនបើយើងមើលពីប្រវែងជាក់លាក់នៃម៉ូដែលនីមួយៗខាងលើគឺមាន Maxus G50 ដែលមានទំហំធំជាង Toyota Rush និង Mitsubishi Xpander ជាមួយនឹងតម្លៃទាបជាងគេដែរ ប៉ុន្តែរថយន្តទាំងអស់នេះផ្តល់នូវមុខងារល្អៗផ្សេងៗគ្នាដែលអ្នកអាចជាវសម្រាប់ជាលក្ខណៈគ្រួសារ ស្របពេលដែលវាបានផ្តល់នូវតម្លៃសមរម្យ និងដំណើរការល្អផងដែរ។
…………………………………………………………………..
ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖
Follow Facebook Page : 👉 Advan Auto
Subscribe YouTube Channel : 👉Advan Auto
Follow Instagram : 👉Advan Auto
Nissan Rogue 2025 ទើបចេញលក់ក្ដៅៗ ខណៈតម្លៃធូរជាងកាលឆ្នាំ 2024 ខ្ទង់ 2ពាន់ដុល្លារឯណោះ
នេះបានហៅថាបាឡែន! Toyota Previa ប្រើម៉ាស៊ីនបាឡែនរាងស្រដៀងត្រីបាឡែនជាឡាន Minivan ៧កៅអី នៅខ្មែរមានប្រើមួយៗដែរ
កាន់ 3ម៉ឺនដុល្លារស្ដើងចង់បានឡាន SUV កៅអី3ជួរអាចមើល Ford Everest នេះបានធ្លាប់ជាអតិតខ្លាញ់គោស្រុកខ្មែរ
មុនចូលឆ្នាំនេះ Camry LE, XLE ស្លាកលេខកំពុងត្រូវប៉ាន់ នឹងមានទីផ្សារល្អ ខណៈប្រភេទក្រដាសពន្ធស្ទើតែគ្មានសោះ
Nissan Rogue 2025 ទើបចេញលក់ក្ដៅៗ ខណៈតម្លៃធូរជាងកាលឆ្នាំ 2024 ខ្ទង់ 2ពាន់ដុល្លារឯណោះ
នោះ! Ford XL, XLT នឹង Wildtrak 2025 ផលិតនៅខ្មែរធូរថ្លៃជាងមុនរាប់ពាន់ដុល្លារ បើធៀបនឹងតម្លៃស៊េរីឆ្នាំ 2024
មកដឹងពីលក្ខខណ្ឌធានារយះពេលពេញមួយជីវិត របស់រថយន្តអគ្គីសនី AION នៅកម្ពុជា
មិនធម្មតា 𝗗𝗘𝗘𝗣𝗔𝗟 𝗦𝟬𝟳 រថយន្តអគ្គិសនីដែលសុវត្ថិភាពខ្ពស់កម្រិតស្តង់ដា ទទួលបានការវាយពិន្ទុផ្កាយ 5 ក្នុងការធ្វើតេស្តសុវត្តិភាពដោយស្តង់ដា ពីប្រទេសអូស្រ្តាលី ANCAP