ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email: Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីពេលថ្មីៗនេះក្រុមហ៊ុនផលិតរថយន្ដល្បីឈ្មោះរបស់ជប៉ុន Toyota ទើបតែបានប្រកាសសារសុំអភ័យទោស ក្ក្នុងគេហទំព័រផ្លូវការរបស់ខ្លួន ដល់អតិថិជនដែលបានបញ្ជាទិញរថយន្ដ​សេរីថ្មី Toyota Land Cruiser LC300 ដែលត្រូវពន្យារពេលប្រគល់ឡានជូនអតិថិជនក្នុងរយៈពេលយូរ ចន្លោះខ្ទង់ ៤ឆ្នាំ។  

នៅក្នុងសារអភ័យទោសនោះ ក្រុមហ៊ុន Toyota បាន ថ្លែងអំណរគុណ និងសូមការអធ្យាស្រ័យ ពីអតិថិជន ដែលបានដាក់ការកម្មង់ទិញ រថយន្ដ Land Cruiser LC300 នេះ ដោយហេតុថា ក្រុមហ៊ុនត្រូវពន្យារពេលផ្ញើជូន នាំឲ្យអតិជនត្រូវរង់ចាំរយៈពេលយូរ ប៉ុន្ដែខ្លួនបានសន្យាថា នឹងដោះស្រាយបញ្ហា​នេះឲ្យ​កាន់តែឆាប់តាមតែអាច ធ្វើទៅបាន រីឯអតិថិជនដែលទើបតែដាក់ការកម្មង់ ក្នុងពេលឥឡូវនេះ នឹងត្រូវរង់ចាំយ៉ាងហោចណាស់ ៤ឆ្នាំទើបរថយន្ដបានទៅដល់ដៃ។ ថ្វីត្បិតតែ មានការពន្យារពេលក៏ពិតមែន តែគេរំពឹងថា Land Cruiser LC300 ច្រើនគ្រឿងនឹងធ្លាក់មកដល់ទីផ្សារ ក្នុងរង្វង់ត្រីមាសទី ៣ ឆ្នាំ​២០២២ នេះ។

រូបភាព៖ Toyota Land Cruiser LC300 (Cars)

គួររំឭកដែរថា ការខកខានការផលិត និងចែកចាយរថយន្ដឲ្យទាន់ពេលវេលានេះ គឺបណ្ដាលមកពីបញ្ហាកង្វះបន្ទះឈីប និងគ្រឿងបរិក្ខាររថយន្ដដែលនៅបន្ដរាំរ៉ៃដល់ពេលបច្ចុប្បន្ន ជះផលប៉ះពាល់ដល់ឧស្សាហកម្មយានយន្ដ ជុំវិញពិភពលោក។ 

គួរបញ្ជាក់ថា Toyota Land Cruiser LC300 នេះប្រើប្រាស់នូវគ្រោងឆ្អឹង TNGA platform ថ្មីរបស់ Toyota ដែលសម្រាលទម្ងន់ខ្លួន​​​​ (kerb weight) របស់វាបាន ២០០គក។ វាត្រូវបានបំពាក់ជាមួយម៉ាស៊ីន Twin-turbocharged V6ថ្មី ស៊ីឡាំងចំណុះ ៣.៥លីត្រ ជាមួយនឹងប្រអប់លេខ ១០វគ្គអូតូ ផលិតកម្លាំងបាន ៤០៣សេះ (403 bhp) ដែលខ្លាំងជាងម៉ាស៊ីន V8 ស៊ីឡាំងចំណុះ ៥.៧លីត្រ របស់ Land Cruiser សេរីមុន។ 

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto