ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email: Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

Toyota ​និង BMW ត្បិតតែឃើញធ្វើសង្រ្គាមទីផ្សារជាមួយគ្នាញឹកញាប់ ប៉ុន្តែតាមការពិតក្រុមហ៊ុនទាំងពីរនេះមានទំនាក់ទំនងក្នុងការផលិតឡានជាមួយគ្នាយ៉ាងល្អ ផ្ទុយទៅវិញការធ្វើសង្រ្គាមទីផ្សារជាមួយគ្នា វាគ្រាន់តែជាការផ្សព្វផ្សាយដើម្បីការលក់របស់ខ្លួនតែប៉ុណ្ណោះ ។

ជាក់ស្ដែងក្រុមហ៊ុនទាំងពីរនេះបានចាប់ផ្ដើមចុះហត្ថលេខា សហការគ្នារួចមកហើយកាលពីឆ្នាំ២០១១ និងបានបន្តកិច្ចព្រមព្រាងរយៈពេលវែងនៅក្នុងខែមិថុនា ឆ្នាំ២០១២ ដែលការសហការរបស់ក្រុមហ៊ុន BMW និង​ Toyota Motor Corporation (TMC) សំដៅដល់ការរួមគ្នាដើម្បីអភិវឌ្ឍន៍ និងការស្រាវជ្រាវ។

លោក Norbert Reithofer ប្រធានក្រុមប្រឹក្សាភិបាលនៃក្រុមហ៊ុន BMW បានលើកឡើងថា «​​ TMC និង​ BMW បានចែករំលែកយុទ្ធសាស្រ្តទស្សនៈវិស័យប្រកបដោយគុណភាពនិងនិរន្តរភាពនាពេលអនាគត ដោយការអភិវឌ្ឍន៍បច្ចេកវិទ្យានាពេលខាងមុខ អាចប្រឈមជាមួយបញ្ហាយ៉ាងខ្លាំង ដែលការប្រឈមទាំងនេះអាចជាឱកាសសម្រាប់ក្រុមហ៊ុនទាំងពីរសហការគ្នាបន្តដំណើរឆ្ពោះទៅរកភាពជោគជ័យនាពេលខាងមុខជាមួយគ្នា»។

ជាមួយគ្នានេះដែរ លោក Akio Toyoda ប្រធានសាជីវកម្ម Toyota Motor បានមានប្រសាសន៍ថា « រយៈពេលជាងមួយឆ្នាំប៉ុណ្ណោះចាប់តាំងពីចាប់ដៃសហការគ្នា ដោយបានចុះហត្ថលេខាសហការរួមគ្នា ហើយពីមួយថ្ងៃទៅមួយថ្ងៃកិច្ចសហការរបស់យើងកាន់តែរឹងមាំ និងរីកចម្រើន។ ឥឡូវនេះយើងកំពុងឈានទៅបន្តជាមួយកិច្ចព្រមព្រាងរយៈពេលវែងបន្ថែមទៀត ព្រមទាំងបន្តខិតខំប្រឹងប្រែងជាមួយគ្នាដើម្បីឈានទៅរកគោលដៅរួមក្នុងការផលិតរថយន្តឲ្យកាន់តែប្រសើរឡើង»។

កាលពីឆ្នាំ២០១៩ កន្លងទៅនេះ ក្រុមហ៊ុន Toyota បាននាំយករថយន្តស្ព័រដែលមានកេរ្តិ៍ឈ្មោះល្បីល្បាញរបស់ខ្លួន ដែលមានឈ្មោះថា Supra មកវិញ បន្ទាប់ពីឈប់ផលិតអស់រយៈពេល ២០ឆ្នាំ។ ចាប់តាំងពីរថយន្ត Supra ថ្មីបានចេញលក់នៅទីផ្សារ Toyota បានលក់រថយន្តម៉ូដែលនេះបានចំនួន 3897 ខណៈដែលក្រុមហ៊ុន BMW បានលក់រថយន្ត Z4 ចំនួន 2253 គ្រឿងក្នុងរយៈពេលដូចគ្នា។

ការពិតទៅ Supra គឺជារថយន្តមួយដែលពាក់តែម Toyota ក៏ពិតមែន តែវាត្រូវបានផលិតដោយក្រុមហ៊ុន BMW ស្ទើរទាំងស្រុង ទាំងផ្នែកម៉ាស៊ីន គ្រឿងក្នុង សូម្បីតែប្រព័ន្ធកម្សាន្តរថយន្ត iDrive ដែលបំពាក់នៅលើឡាន BMW និង Rolls Royce ក៏មានប្រើនៅលើ Toyota Supra ដែរ ។

ថ្មីៗនេះ BMW ក៏បានប្រកាសប្រមូលឡាន Toyota Supra ប្រមាណ ១៣០០០ គ្រឿងជាងចូលរោងចក្រវិញ ដើម្បីជួសជុលប្រព័ន្ធហ្រ្វាំងឡើងវិញ ធ្វើឲ្យមហាជនមួយចំនួនដែលមិនបានដឹងសាច់រឿង មានការងើយឆ្ងល់ថាហេតុអ្វី បានជា BMW ត្រូវទទួលខុសត្រូវចំពោះឡាន Toyota ទៅវិញ ។

ការពិតទៅវាមិនមែនជារឿងដែលចម្លែកទេ ដោយហេតុថាឡាន Toyota Supra មានតែសំបកប៉ុណ្ណេះ តែសមត្ថភាពពិតគឺជារបស់ BMW ឯណោះវិញទេ ។

គួរបញ្ជាក់ថា BMW និង Toyota បានចុះហត្ថលេខាសហការគ្នាលើ ៥ ចំណុចធំរួមមាន ការសហការអភិវឌ្ឍន៍ប្រព័ន្ធផ្ទុកអ៊ីដ្រូហ្សែនសម្រាប់ឡានចាក់អ៊ីដ្រូហ្សែន សហការផលិតឡានស្ព័រ ចែករំលែកវត្ថុធាតុដើមដែលធ្វើឲ្យឡានមានទម្ងន់ស្រាល និងសហការផលិតអាគុយប្រភេទថ្មីដែលគេហៅថា Lithium-air Battery ។

អត្ថបទដោយ៖ ថាវី

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto