ធ្វើស៊ីទ្រង់ទ្រាយធំ! Toyota និង Lexus អូសឡានសេរ៊ីថ្មីៗចូលរោងចក្រវិញ ៤៦ ម៉ឺនគ្រឿង ដោយសារគាំងប្រព័ន្ធទប់លំនឹង

ចំនួនអ្នកទស្សនា

អ្នកទស្សនា

488

👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

កាលពីពេលថ្មីៗនេះ ក្រុមហ៊ុន Toyota និង Lexus បានប្រកាសប្រមូលរថយន្ដសេរីថ្មី ដែលបានលក់ចេញជាង ៤៦០ ០០០ គ្រឿង ចូលរោងចក្រ ត្រួតពិនិត្យឡើងវិញដោយសារតែមានបញ្ហា ប្រព័ន្ធទប់លំនឹងមិនដំណើរការ។

តាមរយៈសារព័ត៌មាន CarScoops បានរាយការណ៍ថា រថយន្ដ ៤៦ ម៉ឺនគ្រឿងនេះ នឹងត្រូវប្រមូលចូលមកត្រួតពិនិត្យពីបញ្ហាប្រព័ន្ធ ទប់លំនឹង ឬហៅថា Vehicle Stability Control ឬ VSC System ដោយសារតែក្រុមហ៊ុនបានរកឃើញថាមាន Error ប្រព័ន្ធ software ដែលបណ្ដាលឲ្យ Skid Control ECU មិនដំណើរការ ធ្វើឲ្យប្រព័ន្ធទប់លំនឹងគាំង។

សម្រាប់រថយន្ដដែលត្រូវប្រមូលយកមកពិនិត្យឡើងវិញមានដូចជា Toyota Venza, Mirai, Toyota Rav4 Hybrid, Rav4 Prime, Sienna Hybrid, និង Highlander Hybrid សេរីឆ្នាំ ២០២០ – ២០២២ និងរថយន្ដ Lexus មួយចំនួនទៀតដែរ ដូចជា Lexus LS500h, LX600, NX350h, និង NX450h+ សេរីឆ្នាំ ២០២០-២០២២ ផងដែរ។

Toyota ក៏បានបញ្ចាក់ដែរថា សម្រាប់ម្ចាស់រថយន្ដដែលមានបញ្ហា នឹងទទួលបានការផ្ដល់សេវាកម្ម ត្រួតពិនិត្យ និងជួសជុលដោយឥតគិតថ្លៃ។

គួរបញ្ជាក់ថា នេះមិនមែនជាលើទី១ ទេ ដែល Toyota ប្រកាសយករថយន្ដមកត្រួតពិនិត្យការដំណើរការ មិនប្រក្រតីរបស់ប្រព័ន្ធ software នេះ ដោយកាលពីខែមុននេះ Toyota ក៏បានប្រមូលឡានម៉ូដែល C-HR របស់ខ្លួនជាង ៣៦ ម៉ឺនគ្រឿង ពិនិត្យឡើងវិញដោយសារគាំងប្រព័ន្ធឲ្យសញ្ញាសុវត្ថិភាពនេះដូចគ្នា។