ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email: Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ថ្មីៗនេះ ក្រុមហ៊ុន Toyota Motor Thailand (TMT) ប្រទេសថៃ បានប្រកាសគម្រោងបញ្ចេញ Toyota bZ4X ដែលជារថយន្តប្រើអគ្គិសនីសុទ្ធ និងរំពឹងថាដាក់លក់ផ្លូវការក្នុងឆ្នាំនេះ។ 

សេចក្តីប្រកាសនេះបានធ្វើឡើងដោយ ប្រធានក្រុមហ៊ុននៃ TMT លោក​​ Noriaki Yamashita នៅព្រឹកថ្ងៃទី២៨ ខែមករា ឆ្នាំ២០២២ អំឡុងពេលការប្រជុំតាមអនឡាញ

ស្តីពីលទ្ធផលការងារ និងទស្សនវិស័យរបស់ក្រុមហ៊ុនកាលពីឆ្នាំ២០២១ និងសម្រាប់ឆ្នាំខាងមុខនេះ។ 

លោកបានមានប្រសាសន៍ថា “កាលពីឆ្នាំមុន យើងបានណែនាំ Lexus UX 300e BEV និង Lexus NX450h+ PHEV ។ សម្រាប់ម៉ាកតូយ៉ូតា រថយន្ត bZ4X  គឺជាម៉ូដែលទីមួយនៃស៊េរី bZ នឹងត្រូវបានបង្ហាញ នៅឆ្នាំនេះ។”

ឡាន​ Toyota bZ4X ដើរដោយថាមពលអគ្គិសនីនេះ​ជាប្រភេទរថយន្តប្រាំកៅអី មាន២ ប្រភេទគឺ ប្រភេទរត់ដោយប៉ុងមុខ (FWD) និង​ ប៉ុងពីរមុខក្រោយ (​AWD)។ ចំពោះប្រភេទរត់ដោយប៉ុងមុខ រថយន្តនេះមានម៉ូទ័រតែមួយគ្រាប់ដែលអាចផលិត កម្លាំង ២០១សេះ ឬ ១៥០ គីឡូវ៉ាត់ ខណៈពេលដែលប្រភេទ AWD ដែលមានម៉ូទ័រពីរអាចផលិតកម្លាំងរួមបញ្ចូលគ្នាបាន ២១៥សេះ ឬ ១៦០ គីឡូវ៉ាត់។

យ៉ាងណាក្តី ក៏ឡានទាំងពីរម៉ូដែលនេះបំពាក់ថាមពលអាគុយ ៧១.៤ គីឡូវ៉ាត់ម៉ោង (kWh) ដូចគ្នាបេះបិទ ដែលអាចសាកជាមួយចរន្តអគ្គិសនី AC រហូតដល់ ៦.៦គីឡូវ៉ាត់ ​និងចរន្ត DC នៅស្ថានីយ៍សាកល្បឿនលឿនរហូតដល់ ១៥០គីឡូវ៉ាត់។

ចំពោះល្បឿនវិញ bZ4X អាចជាន់ពី ០-១០០ គីឡូម៉ត្រែក្នុងមួយម៉ោង (km/h) ប្រើរយៈពេលត្រឹមតែ ៨.៤ វិនាទីប៉ុណ្ណោះសម្រាប់ប្រភេទ FWD និង ៧.៧ វិនាទីសម្រាប់ AWD។ 

គួរបញ្ជាក់ដែរថា Toyota bZ4X បានបង្ហាញកាលពីខែតុលា ឆ្នាំមុន ត្រូវបានគេរំពឹងថានឹងចូលទៅក្នុងទីផ្សារ ប្រទេសថៃ ក្នុងទម្រង់នាំចូលពេញលេញជាផ្លូវការ ដែលទំនងជាចេញមុខពាក់កណ្តាលឆ្នាំ ២០២២ នេះ។ 

ដកស្រង់អត្ថបទដោយ៖ ម៉ីស៊ាង

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto