ក្រុមហ៊ុន តូយ៉ូតា ខេមបូឌា និង​ MODELLISTA ប្រទេសថៃ បានបង្ហាញរថយន្ត Toyota ដែលបានបំពាក់ គ្រឿងតុបតែងរថយន្ត ពីក្រុមប្រណាំងរថយន្ត Rally HQ សម្រាប់ប្រើប្រាស់ប្រកួតប្រជែងក្នុងព្រឹត្តិការណ៍ Asia Cross Country Rally 2022 (AXCR) ដែលនឹងប្រព្រឹត្តទៅចាប់ពីថ្ងៃទី 26 ខែ វិច្ឆិកា ឆ្នាំ 2022 នៅខេត្តសៀមរាប យ៉ាងអស្ចារ្យ។

ផលិតផលតុបតែងរថយន្តជាពិសេសពីម៉ាក MODELLISTA នេះ ត្រូវបានជ្រើសរើសយ៉ាងពិសេសសម្រាប់តុបតែងរថយន្តចំនួន ៤ គ្រឿង ដែលបានចូលរួមប្រកួតក្នុងព្រឹត្តិការណ៍នេះ។ លើសពីនេះទៀតដែរ ក្រោយពីការប្រកួត រថយន្តដែលចូលរួមប្រកួតបានបង្ហាញខ្លួននៅ ទីស្នាក់ការលក់នៃ ក្រុមហ៊ុន តូយ៉ូតា ខេមបូឌា សាខាខេត្តសៀមរាប ដើម្បីជាការបង្ហាញ បង្អួតរូបរាងដ៏អស្ចារ្យសម្រាប់អតិថិជន តូយ៉ូតា ខេមបូឌា បានទស្សនា និងចាប់កាន់ផ្ទាល់ទៅលើរថយន្តដែលបានតុបតែងជាមួយភាពអង់អាច និងកាច លើផ្លូវមានឧបសគ្គ។

រថយន្តចំនួន ៤ គ្រឿងដែលបានចូលរួមប្រកួតក្នុងព្រឹត្តិការណ៍នេះ​មានដូចជា Toyota Hilux Revo Rally 2 គ្រឿង និង Toyota Fortuner ចំនួន ២ គ្រឿង។

ជាមួយគ្នានេះដែរ អតិថិជនបានចូលរួមទស្សនាការតាំងបង្ហាញ​រថយន្ត និង ផលិតផលពិសេសពីម៉ាក MODELLISTA នេះដែរ និងទទួលបានភាពសប្បាយរីករាយ ឈ្នះរង្វាន់ក្នុងព្រឹត្តិការណ៍ពិសេសអស្ចារ្យនៃរថយន្ត TOYOTA Race Car ពី Asia Cross Country Rally 2022។

សម្រាប់ព័ត៌មាន បន្ថែមលោកអ្នកអាចចូលទៅកាន់បណ្តាញទំនាក់ទំនងសង្គមរបស់ក្រុមហ៊ុន តូយ៉ូតា (ខេមបូឌា) ដែលមានដូចជា Facebook Telegram Youtube Website Instagram ។ ឬក៏អាចអាចទំនាក់ទំនងទៅកាន់ក្រុមហ៊ុន តូយ៉ូតា ខេមបូឌា បានតាមរយៈ 017 333 503 រឺ 086 333 503 ។