• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីចុងឆ្នាំ ២០២១ កន្លងទៅនេះ ក្រុមហ៊ុន Toyota បានប្រកាសបោះទុន ៧០ពាន់លានដុល្លារដើម្បីវិនិយោគលើវិស័យឡានអគ្គិសនី ដោយទំហំលុយពាក់កណ្តាលនឹងចំណាយលើការផលិតឡានអគ្គិសនីឲ្យបានមុនឆ្នាំ ២០៣០ ។

យោងតាមសារព័ត៌មាន Reuters បានចុះផ្សាយថា ក្រុមហ៊ុនផលិតឡានរបស់ជប៉ុននេះ រំពឹងថានឹងលក់ឡានអគ្គិសនីអោយបាន ចំនួន ៣.៥ លានគ្រឿងនៅចុងទស្សវត្សនេះ ដែលស្មើនឹង ១/៣ នៃទំហំឡានសរុបដែល Toyota លក់បាននាពេលបច្ចុប្បន្ន ។

នាយកដ្ឋានប្រតិបត្តិ Toyota លោក Akio Toyoda ថ្លែងប្រាប់អ្នកសារព័ត៌មានថា ក្រៅពីឡានអគ្គិសនី Toyota មានយុទ្ធច្រើនទៀតដើម្បីកាត់បន្ថយឧស្ម័នពុល រាប់បញ្ចូលទាំងឡាន Hybrid (ឡានកូនកាត់) និងរថយន្តដើរដោយថាមពលអ៊ីដ្រូសែនផងដែរ។ 

ថ្មីៗនេះដែរក្រុមហ៊ុនឡានលេខ ១ លើពិភពលោកនេះ ក៏បានបញ្ចេញគម្រូឡានអគ្គិសនីដល់ទៅ ៣០ ម៉ូឌែលឯណោះ ខណៈដែលឡានអគ្គិសនី ១៥ ម៉ូឌែលនឹងត្រៀមចេញលក់នាឆ្នាំ ២០២៥ ខាងមុខនេះ ។

អមមកជាមួយឡានអគ្គិសនី ក្រុមហ៊ុន Toyota នៅតែបន្តផលិតម៉ាស៊ីនចំហេះក្នុងដែលដើរដោយថាមពលអ៊ីដ្រូហ្សែន ដើម្បីរក្សាការងារប្រមាណ ៥.៥ លានកន្លែងឲ្យប្រជាជនជប៉ុន ជៀសវាងពួកគាត់អស់ការងារធ្វើដោយសារមនុស្សប្តូរទៅប្រើឡានអគ្គិសនី ។

ក្នុងដែរ ការបោះទុនរបស់ក្រុមហ៊ុន Toyota នេះបានវ៉ាដាច់មុខក្រុមហ៊ុនមេ Mercedes-Benz គឺ Daimler AG ដែលបានប្រកាសបោះលុយ ៤០ ពាន់លានអឺរ៉ូ ឬ$47 ពាន់លានដុល្លារអាមេរិកកាលពីពេលថ្មីៗនេះ ដើម្បីផលិតឡានអគ្គិសនី ត្រៀមប្រកួតជាមួយ ទីផ្សារឡានអគ្គិសនី Tesla ក្នុងពេលអនាគត។ 

គួរបញ្ជាក់ដែរថា Toyota ក៏បានសហការជាមួយក្រុមហ៊ុនចិនមួយចំនួនដូចជា BYD ជាដើម ដើម្បីផលិតអាគុយតម្លៃទាបលើឡានអគ្គិសនីរបស់ខ្លួន ធ្វើយ៉ាងឲ្យឡានអគ្គិសនី Toyota មានតម្លៃធូរថ្លៃដូចឡានសាំងនាពេលបច្ចុប្បន្ន ។

អត្ថបទដោយ ៖ ម៉ី ស៊ាង

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto 

Subscribe Youtube Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto