👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

បន្ទាប់ពី បានប្រកាស ប្រមូលឡានអគ្គិសនីសេរីទំនើបរបស់ខ្លួនរាប់រយគ្រឿង ចូលរោងចក្រវិញ ដោយសារបារម្ភក្រែង រលុងខ្ចៅរបូតកង់តាមផ្លូវ ក្រោយពីចេញលក់ទៅទីផ្សារអន្ដរជាតិ មិនទាន់បានប៉ុន្មានខែស្រួលបួលផង ថ្មីៗនេះ Toyota បាន សម្រេច ប្រកាសដល់អតិថិជនថា ខ្លួនយល់ព្រមទទួលទិញយកឡានអគ្គិសនីដែលមានបញ្ហានោះមកវិញ។ 

យោងតាមលិខិតប្រកាសពី Toyota កាលពីខែ មិថុនា បានឲ្យដឹងថា រថយន្ដដែលជាប់ពាក់ពន្ធ័នោះ គឺរថយន្ដអគ្គិសនី SUV របស់ Toyota , bZ4X 2023 ចំនួន ២៦០ គ្រឿង ដោយសង្ស័យថា អាចមានបញ្ហារលុងខ្ចៅកង់ នឹងអាចឲ្យកង់របូតពីតួរថយន្ដដោយចៃដន្យពេលកំពុងបើកបរ ក្រុមហ៊ុនក៏បានបន្ថែមទៀតថា មិនមែនមានតែបញ្ហានេះទេ រថយន្ដនេះក៏មានបញ្ហាទាក់ទង​នឹងប្រព័ន្ធដំណើរការបើកបរទូទៅផងដែរ ដែលអាចបង្កគ្រោះថ្នាក់ជាយថាហេតុ ដូច្នេះហើយទើប ក្រុមហ៊ុនសម្រេចថា នឹងទទួលទិញយកមកត្រួតពិនិត្យ និងកែសម្រួលវិញថ្មីតែម្ដង។ 

តាមការចុះផ្សាយពី Car and Driver បានឲ្យដឹងដែរថា មកដល់ពេលនេះ Toyota ចាប់ផ្ដើមផ្ញើលិខិតជម្រាបដំណឹង ដល់ម្ចាស់ឡានដែលមានបញ្ហាហើយ ជាមួយជម្រើស ២ ដោយទី ១ សម្រាប់អ្នកដែលកំពុងស្ថិតក្នុងស្ថានភាពបង់រំលស់ឡាន នេះនៅឡើយ ហើយម្ចាស់មិនចង់លក់ចេញទេ Toyota នឹងចេញទឹកប្រាក់ ៥០០០ ដុល្លារ​សម្រាប់ការបង់រំលស់ ជាមួយនឹង ការសាកថាមពលអគ្គិសនីដោយឥតគិតថ្លៃនៅស្ថា នីយ៍ EVgo ផងដែរ តែ Toyota បានបញ្ជាក់ថា ម្ចាស់រថយន្ដដែលពាក់ ព័ន្ធមិនត្រូវបើកបររថយន្ដទៅណាឡើយ លុះត្រាតែបានទទួលការត្រួតពិនិត្យរួចរាល់ពី Toyota សិន ហើយសម្រាប់ការជួសជុសផ្សេងៗគឺមិនត្រូវបានគិតពីម្ចាស់ឡានឡើយ។ រីឯ សម្រាប់ម្ចាស់ឡានដែលចង់លក់ចេញតែម្ដង Toyota នឹងទទួលទិញយកមកវិញ ដោយតម្លៃឲ្យទៅតាមស្ថានភាពជាក់ស្ដែង។ 

គួរបញ្ជាក់ផងដែរថា ក្រៅតែពី Toyota bZ4X, Toyota ក៏បានប្រកាសសេចក្ដីជូនដំណឹងដាច់ដោយឡែកមួយទៀត ប្រមូល Toyota Tundra 2022 ចំនួន ៤៦០០០ គ្រឿង មកវិញផងដែរ ដោយសារតែបញ្ហា រលុងអ័ក្សកង់ក្រោយ ដែលអាចមានបញ្ហាដល់​ប្រព័ន្ធលំនឹង និងប្រព័ន្ធហ្រ្វាំងសុវត្ថិភាព និង សេចក្ដីជូនដំណឹងមួយទៀតប្រមូលឡាន Subaru Soltherra 2023 ចំនួន ៤០៣ ដែលប្រើប្រាស់ទម្រង់ដូចគ្នានឹង Toyota bZ4X ហើយជួបបញ្ហាដូចគ្នានេះដែរ ។  

អត្ថបទ៖ Andra  AdvanAuto

…………………………………………………

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto