• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

តាមរបាយការណ៍ស្រាយជ្រាវថ្មីពីមជ្ឈមណ្ឌល HLDI (Highway Loss Data Institute) ដែលវិភាគទិន្នន័យការបាត់បង់រថយន្ដបុគ្គលរបស់សហរដ្ឋអាមេរិក បានឲ្យដឹងថា រថយន្ដ Toyota Prius កំពុងតែក្លាយជាទីពេញនិយមសម្រាប់លោកចោរ ដោយវាមានអាថិភាពត្រូវចោរលួច ៤០ដងលើសឡានធម្មតា។ 

ភាគច្រើនលោកចោរបេតី លួចដោះយកសំបុកឃ្មុំបំពង់ស៊ីមុាំងរបស់វាដោយគោលដៅចម្បងគឺ Prius សេរីឆ្នាំ 2004 ដល់ 2009 ហេតុផលគឺដោយសារតែ សំបុកឃ្មុំបំពង់ស៊ីមុាំងរបស់វា មានជាតិ ប្លាទីន រូដ្យូម ប៉ាឡាដ្យូម និងរ៉ែលោហៈធាតុមានតម្លៃដទៃទៀត ដែលកំពុងតែឡើងថ្លៃក្នុងទីផ្សារបច្ចុប្បន្ន និងដោយសារតែកង្វះខាត តម្រូវការគ្រឿងបង្គុំឡាន ក្នុងពេលថ្មីៗនេះ។ សារធាតុទាំងអស់នេះដើរតួនាទីសំខាន់ក្នុងការបម្លែងជាតិពុលចេញពីម៉ាស៊ីនឡាន និងធ្វើឲ្យឡានមានសម្លេងស្ងាត់ ។

តាមទិន្នន័យក្នុងវេបសាយគ្រឿងបន្លាស់ AutoCatalystMarket.com បានបង្ហាញថា សំបុកឃ្មុំបំពង់ស៊ីមុាំងប្រភេទ GD3+EA6 ក្នុងឡាន Prius ជំនាន់ទី ២ មានតម្លៃជាង $1,022 ហើយប្រភេទស្រដៀងគ្នានេះមាន ក្នុង Prius ជំនាន់ទី ៣ ដែរ មានតម្លៃ $548 ជាង។ 

ក្រៅពីនេះ ដោយសារតែនៅលើសំបុកឃ្មុំបំពង់ស៊ីមុាំង មិនមានបញ្ជាក់លេខ VIN នោះធ្វើឲ្យម្ចាស់ឡាន ពិបាកស្វែងរកគ្រឿងបង្គុំ ដែលបាត់ហើយ។ 

ប្រភព៖ NewsWeek អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto