👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

ថ្មីៗនេះ ក្រុមហ៊ុនផលិតរថយន្ដអគ្កិសនីល្បីឈ្មោះរបស់វៀតណាម VinFast បានប្រកាសបំណងរបស់ខ្លួនថា ចង់ក្លាយជាទីផ្សារផលិត និងលក់ឡានអគ្គិសនីធំជាងគេលើពិភពលោក ដេញជើងក្រុមហ៊ុនឡានអគ្កិសនីជើងខ្លាំងបច្ចុប្បន្ន Tesla ដោយប្រើប្រាស់ទីផ្សារសហរដ្ឋអាមេរិក និងអ៊ឺរ៉ុបជាគោល។

VinFast ត្រូវបានស្គាល់ថាជាក្រុមហ៊ុនផលិតឡានធំមួយ មានដើមកំណើតពីប្រទេសអាស៊ីអាគ្នេយ៍ វៀតណាម ដែលប្រឡូកចូលក្នុងទីផ្សារយានយន្ដកាលពីឆ្នាំ ២០១៩ នឹងប្រែខ្លួនជាក្រុមហ៊ុនឡានអគ្គិសនីសុទ្ធក្នុងឆ្នាំ ២០២១ នេះ ដោយសម្រុកយកទីផ្សារអាមេរិកជាគោលដៅ ហើយបន្ដបន្ទាប់ក៏បានក្លាយជាក្រុមហ៊ុនរថយន្ដអគ្គិសនីធំជាងគេ លំដាប់ទី ២ ក្នុងទីផ្សារនេះ ហើយថ្មីៗនេះ ខ្លួនទើបតែបានចំណាយទឹកប្រាក់ជាង ២០០ លានដុល្លារ បើកទីស្នាក់ការកណ្ដាលក្នុងរដ្ឋ Los Angeles សហរដ្ឋអាមេរិក ជាមួយនឹងគម្រោងសាងសង់ទីតាំងលក់ និងផ្ដល់សេវាកម្មជាង ៦០កន្លែងបន្ថែមទៀតក្នុងឆ្នាំនេះ។

ក្នុងនោះដែរ​ VinFast ក៏ទើបតែបានវិនិយោគទុនជាទឹកប្រាក់ជាង ២ពាន់លានដុល្លារ សាងសង់រោងចក្រផលិតឡានអគ្គិសនី VinFast របស់ខ្លួនក្នុងទឹកដីភាគខាងជើងរដ្ឋ Carolina សហរដ្ឋអាមេរិកផងដែរ ដោយគ្រោងនឹងចាប់ផ្ដើមដំណើរការ សង្វាក់ផលិតកម្មក្នុងឆ្នាំ ២០២៤ ជាមួយនឹងការព្យាករណ៍ថាអាចផលិតបានរថយន្ដអគ្កិសនីជាមធ្យម ១៥០ ០០០ គ្រឿងក្នុងមួយឆ្នាំ។ 

លើសពីនេះ ដើម្បីជាការផ្សព្វផ្សាយលក់រថយន្ដអគ្គិសនីរបស់ខ្លួនបន្ថែមទៀត VinFast ក៏បានបើកការបណ្ដាក់ទុនសេរ៊ី ឬ បោះលក់ភាគហ៊ុនជាសាធារណៈ IPO (Initial Public Offering) ផងដែរ។

មិនត្រឹមតែផ្ដោតតែលើទីផ្សារអាមេរិកប៉ុណ្ណោះទេ ថ្មីៗនេះ VinFast បានឲ្យដឹងថា ខ្លួនកំពុងរៀបចំគម្រោងការ សាងសង់រោងចក្រ ក្នុងប្រទេសអាល្លឺម៉ង់ សម្រាប់ជាការចាប់ផ្ដើមពន្លកឧស្សាហកម្មក្នុងទីផ្សារអ៊ឺរ៉ុបផងដែរ។

VinFast បានឲ្យដឹងដែរថា នេះជាការចាប់ផ្ដើមលើគោលដៅក្លាយជាក្រុមហ៊ុនផលិត និងចែកចាយលក់រថយន្ដអគ្គិសនី ធំជាងគេលើពិភពលោក ដោយឆ្នាំនេះខ្លួនបានសម្រេចការលក់រថយន្ដបានចំនួន ៤ ២០០០ គ្រឿង ដោយតម្លៃរថយន្ដអគ្គិសនី គឺត្រឹមតែ ៤១០០០ ដុល្លារប៉ុណ្ណោះសម្រាប់ម៉ូដែល SUV ថ្មី VF8 ដែលប្រៀបទៅនឹង SUV ថ្មី របស់ Tesla មានតម្លៃដល់ទៅ ៦៣ ០០០ ដុល្លារ។

នេះគឺជាជំហានល្អមួយដែល VinFast បានជ្រើសយកទីផ្សារក្រៅប្រទេសដូចជា អាមេរិក និង អ៊ឺរ៉ុបសម្រាប់ចែកចាយលក់ឡានអគ្គិសនីរបស់ខ្លួន ដោយសារតែទីផ្សារក្នុងស្រុក ប្រទេសវៀតណាម និងអាស៊ីអាគ្នេយ៍ ហាក់នៅចង្អៀតនៅឡើយសម្រាប់រថយន្ដអគ្គិសនី។ 

អត្ថបទ៖ Andra  AdvanAuto 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto