• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

បន្ទាប់ពីបានប្រកាសថានឹងប្រឡូកក្នុងវិស័យយានយន្ដ កាលពីពេលថ្មីៗនេះ ក្រុមហ៊ុនផលិតទូរសព្ឌល្បីឈ្មោះ របស់ចិន Xiaomi បានបង្ហើបមហិច្ឆិតាធំរបស់ខ្លួន ដោយចង់ផលិតឡានអគ្គិសនីលក់ ប្រកួតជាមួយក្រុមហ៊ុនផលិតឡានអគ្គិសនីជើងចាស់ Tesla និងក្រុមហ៊ុនបច្ចេកវិទ្យាយក្ស Apple ដែលទើបប្រកាសចូលវិស័យឡានអគ្គិសនីដូចគ្នា ។ 

Xiaomi បានឲ្យដឹងដែរថា ពេលនេះខ្លួនកំពុងតែរៀបគម្រោងសាងសង់រោងចក្រផលិតឡានអគ្គិសនីក្នុងទីក្រុង ប៉េកាំង ប្រទេសចិន និងចាប់ផ្ដើមដំណើរការសង្វាក់ផលិតកម្មក្នុងឆ្នាំ ២០២៣ ព្រមទាំងបញ្ចេញសមិទ្ធផល ឡានអគ្គិសនីដំបូងក្នុងឆ្នាំ ២០២៤ ជាមួយនឹងដាក់គោលដៅផលិតឡានអគ្គិសនីឲ្យបានលើសពី ៣០០ ០០០ គ្រឿងក្នុងមួយឆ្នាំៗ។ 

Xiaomi ក៏បានបន្ថែមទៀតថា ក្រៅពីទីផ្សារចិន ខ្លួនក៏មានបំណងចង់នាំចេញរថយន្ដអគ្គិសនីនេះ ទៅកាន់ទីផ្សារអន្ដរជាតិផងដែរ ជាពិសេស ប្រកួតប្រជែងជាមួយដៃគូចាស់គឺក្រុមហ៊ុន Apple ដែលបច្ចុប្បន្នកំពុងដុតដៃដុតជើងរៀបចំបង្កើត ឡានអគ្គិសនីជាមួយនឹងដំណឹងមកថានិងបង្ហាញមុខក្នុងរង្វង់ឆ្នាំ ២០២៥ នេះ ។ 

ក្នុងនោះដែរ មានមតិជាច្រើនបានលើកឡើងថា ការប្រកួតប្រជែងគ្នាលើទីផ្សារឡានអគ្គិសនីនឹងមានសន្ទុះ កាន់តែខ្លាំងនៅពេលដែលក្រុមហ៊ុនយក្សផ្នែកបច្ចេកវិទ្យាទាំងពីរនេះ សម្រេចការផលិតឡានអគ្គិសនីជាស្ថាពរ។ 

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto 

Subscribe Youtube Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto