កាលពីថ្ងៃសុក្រ ទី២៤ ខែធ្នូ ឆ្នាំ២០២១ កន្លងទៅនេះ ក្រសួងសាធារណការនិងដឹកជញ្ចូនបានបកស្រាយបញ្ជាក់អំពីករណីឡាន ២ផ្សេងគ្នាដែលបំពាក់ស្លាកលេខដូចគ្នា បង្កជាការភ្ញាក់ផ្អើលដល់សាធារណៈជន។
ហេតុការណ៍នេះបានកើតឡើងបន្ទាប់ពីមានការផ្សព្វផ្សាយរូបភាពនៅក្នុងបណ្តាញសង្គមហ្វេកប៊ុករវាងរថយន្ត២គ្រឿងគឺរថយន្ត Hyundai Venue និងរថយន្ត Lexus NX 200t ដែលបំពាក់ស្លាកលេខ «ភ្នំពេញ 2AQ-1333» ដូចគ្នា។
យ៉ាងណាមិញ ក្រោមការស្រាវជ្រាវរបស់ក្រសួងសាធារណការនិងដឹកជញ្ចូនតាមប្រព័ន្ធស្វ័យប្រវត្តិបានរកឃើញថា រថយន្ត Hyundai Venue ជារថយន្តដែលបានចុះបញ្ជីប្រើប្រាស់ផ្លាកលេខស្របច្បាប់កាលពីឆ្នាំ ២០២១។ ចំណែករថយន្ត Lexus NX 200t ប្រើប្រាស់ផ្លាកលេខក្លែងក្លាយ ដែលផ្ទុយពីច្បាប់ចរាចរណ៍ផ្លូវគោក។
ក្រសួងសាធារណការនិងដឹកជញ្ជូនបានបញ្ជាក់ថា ក្នុងករណីនេះក្រសួងបានបញ្ចូនដំណឹងទៅអាជ្ញាធរ មានសមត្ថកិច្ចដែលពាក់ព័ន្ធរួមមានអគ្គស្នងការដ្ឋាននគរបាលជាតិ អគ្គនាយកដ្ឋានគយនិងរដ្ឋាករកម្ពុជា និងអគ្គនាយកដ្ឋានពន្ធដារដើម្បីចាត់វិធានការតាមផ្លូវច្បាប់។
គួរបញ្ជាក់ថា ការចុះបញ្ជីយានយន្តនេះគឺធ្វើឡើងតាមប្រព័ន្ធស្វ័យប្រវត្តិកម្ម មានដំណើរការផ្ទៀងផ្ទាត់ដោយស្វ័យប្រវត្តិ ធានាមិនឲ្យមានការចុះបញ្ជីផ្លាកលេខស្ទួន ព្រមទាំងមាន QR Code សម្រាប់ស្កេនផ្ទៀងផ្ទាត់ជាសាធារណៈនៅលើផ្លាកលេខផ្ទាល់ និងប័ណ្ណសម្គាល់យានយន្តថែមទៀតផង។
អត្ថបទ៖ មុីស៊ាង
…………………………………………………………………..
ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖
Follow Facebook Page : 👉 Advan Auto
Subscribe Youtube Channel : 👉Advan Auto
Follow TikTok : 👉Advan Auto
Follow Instagram : 👉Advan Auto
Highlander ទីផ្សារនៅល្អគួរសម ក្នុងរដូវកាលភ្ជុំបិណ្ឌនេះ ចង់ជិះត្រឹមស៊េរីឆ្នាំ2001 ដល់ 2003 គួរកាន់ប៉ុន្មាន?
GR Supra 2025 បង្ហាញខ្លួនជាមួយកម្លាំងក្បែរ 400 សេះជាន់មួយជើងពី 0-100/km ចាយពេលត្រឹម 3.9វិនាទី ជាមួយតម្លៃខ្ទង់ 5ម៉ឺនដុល្លារជាង
Mustang ជាឡាន Sport Car ដែលមានតម្លៃធូរ តែរូបរាងអំណាច កម្លាំងខ្លាំង បើចេះលេងថែមថយទៀត មិនចាញ់ Super Car ទេ
Chevrolet Tracker 2024 បញ្ចុះតម្លៃ 3,500ដុល្លារសល់ 2ម៉ឺនដុល្លារជាង ក្លាយជាឡានថ្មីខ្លាញ់គោតម្លៃធូរ ក្នុងចំណោមឡានថ្មីផ្សេងទៀត
BYD M6 បង្ហាញវត្តមាននៅក្នុងទីផ្សារថៃ ថ្មីៗនេះ ជាមួយតម្លៃចាប់ផ្ដើមពី ២៤ ០០០ ដុល្លារទៅ
នោះ! Toyota Cambodia នាំចូល Land Cruiser Prado 250 ជំនាន់ចុងក្រោយមកកាន់ទីផ្សារស្រុកខ្មែរ កំពុងបើកទទួលកក់ហើយ
Nissan Sentra 2025 ចេញលក់នៅទីផ្សារអាមេរិក ក្នុងតម្លៃខ្ទង់ 2ម៉ឺនដុល្លារជាងប៉ុណ្ណោះ
Hyundai Elantra 2025 តម្លៃត្រឹម 2ម៉ឺនដុល្លារស្ដើង កំពុងស្ថិតក្នុងប្រភេទឡានថ្មី ដែលមានតម្លៃធូរ