• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីថ្ងៃទី ៤ ខែវិច្ជិកា ឆ្នាំ ២០២១ កន្លងទៅនេះ នៅលើវេទិកាពិភាក្សាអំពី “អគ្គិសនីភាវូបនីយកម្មនៃយានយន្តដើម្បីអនាគតបៃតងសម្រាប់កម្ពុជា”

​ឯកឧត្តមទេសរដ្ឋមន្ដ្រី ស៊ុន ចាន់ថុល រដ្ឋមន្ត្រីក្រសួងសាធារណៈការនិងដឹកជញ្ជូន បានបង្ហើបពីគោលការណ៍សំខាន់ៗមួយចំនួនដែលរដ្ឋាភិបាលកម្ពុជាកំពុងគិតគូរដើម្បីលើកកម្ពស់ឡានអគ្គិសនីនៅកម្ពុជា ។

រូបភាព៖ MPWT

ឯកឧត្តមបានមានប្រសាសន៍ថា ក្រសួងពាក់ព័ន្ធកំពុងរៀបចំគោលនយោបាយគាំទ្រការប្រើប្រាស់រថយន្ដអគ្គសនី និងធានាឲ្យមានហេដ្ឋារចនាសម្ពន្ធ័សម្រាប់រថយន្ដអគ្គសនីនៅកម្ពុជា ដែលក្នុងនោះរួមមាន ការរៀបចំឲ្យមានស្ថានីយ៍សាកអាគុយ កន្លែងផ្ដល់សេវា គ្រឿងបន្លាស់ បុគ្គលិកទទួលការបណ្តុះបណ្តាល កន្លែងបោះចោលអាគុយ និងពិនិត្យមើលគុណភាពឡានអគ្គិសនីដែលនាំចូលមកកម្ពុជា។ 

រូបភាព៖ MPWT

ជាមួយគ្នានោះ ឯកឧត្តម កែវ រតនៈ អគ្គនាយកអគ្គិសនីកម្ពុជា បានបន្ថែមថា៖ បច្ចុប្បន្នកម្ពុជាមាន ថាមពលកកើតឡើងវិញនៅក្នុងបណ្ដាញចែកចាយអគ្គិសនីកម្ពុជាចំនួន៩% និងក្នុងពេលខាងមុខនឹង ឡើងដល់១០% ខណៈការផ្គត់ផ្គង់អគ្គិសនីដើរដោយថាមពលកកើតឡើងវិញក្នុងកម្រិតពិភពលោក គិតជាមធ្យមមានប្រហែលពី៤% ទៅ ៥% ដូច្នេះយើងស្ថិនក្នុងស្ថានភាពល្អ។ 

រូបភាព៖ MPWT

គួរបញ្ជាក់ថា បច្ចុប្បន្ននេះឡានអគ្គិសនីច្រើនម៉ូឌែលបាននិងកំពុងចរចារណ៍លក់នៅលើទីផ្សារកម្ពុជាបណ្តើរៗហើយ ខណៈដែលក្រសួងសាធារណៈការនិងដឹកជញ្ជូនបានសម្តែងសុទិដ្ឋិនិយមឲ្យប្រជាជនកម្ពុជាប្រើប្រាស់ឡានអគ្គិសនីឲ្យបានច្រើន ។

ប្រភព៖ MPWT អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto