• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

បន្ទាប់ពីទទួលបានជោគជ័យក្នុងការលក់ឡានអគ្គិសនី Wuling Hong Guang ដាច់ជាងគេលំដាប់លេខ ២ជាមួយនឹងការលក់បានចំនួន 119,225 គ្រឿង កាលពីឆ្នាំ ២០២០កន្លងមក ពេលនេះក្រុមហ៊ុនចិនកាត់អាមេរិក SAIC GM Wuling Group បាន បញ្ចេញនូវកូនឡានអគ្គសនីសេរីថ្មីមួយទៀតដែលមានឈ្មោះថា Wuling Nano ដែលមិនត្រឹមតែជាកូនឡានអគ្គិសនីដែលតូចជាងគេនោះទេ​​ តែវាក៏មានតម្លៃទាបជាងគេផងដែរ។

បើតាមការឲ្យដឹងពីគេហទំព័រ CarNewsChina, Wuling Nano EV នេះមានតម្លៃប្រមាណ​ 20, 000 yuan ឬប្រហាក់ប្រហែលនឹង $3, 102។ 

កូនឡានអគ្គសនីនេះត្រូវបានគេផលិតសម្រាប់ការប្រើប្រាស់ក្នុងក្រុង មានកៅអី ២​ មានប្រវែងបណ្ដោយ 2.497m (2.5m) ទទឹង 1.526m (1.52m) និងកម្ពស់ 1.616m (1.62m) ជាមួយនឹងរង្វង់កង់ 1600mm និងរង្វិលជុំត្រឹមតែ 3.8m ធ្វើឲ្យវាងាយស្រួលធ្វើដំណើរនៅផ្លូវចង្អៀត។

Nano EV នេះត្រូវបានបំពាក់មកជាមួយនឹងម៉ូទ័រកម្លាំង 33 សេះ អាចបើកបានដល់ល្បឿន 100km/h ហើយនៅក្រោមកៅអីអង្គុយមានភ្ជាប់មកជាមួយនឹងអាគុយ លីចូមអីយ៉ូង lithium-ion ជាមួយថាមពល 28 kWh។ រាល់ពេលសាកពេញម្ដងវាអាចបើកបរបានចម្ងាយ 305 km ជាមួយនឹងការសាករយៈពេល 13 ម៉ោង កន្លះដោយប្រើប្រាស់ថាមពលអគ្គសនី 220V ប៉ុន្ដែវាអាចប្រើពេលត្រឹមតែ 4 ម៉ោងកន្លះ សម្រាប់ការប្រើប្រាស់ឆ្នាំងសាកលឿនកម្លាំង 6.6 kW។ 

ប្រភព៖ Inside EV ប្រែសម្រួល៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto