ក្រៅពីទីផ្សារអាមេរិក Lexus LX 600 បានបន្ថែមជម្រើស ២ ទៀតសម្រាប់ទីផ្សារផ្សេងៗ

ចំនួនអ្នកទស្សនា

អ្នកទស្សនា

1790

2021-10-Lexus_LX_600_បន្ថែមជម្រើស_Off_road_និងម៉ាស៊ីនម៉ាស៊ូត.jpg

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

Lexus LX ជំនាន់ទី ៤ ដែលកំពុងតែមានការល្បីកក្រើកដោយសារតែទើបនឹងសម្ភោធបង្ហាញមុខក្នុងពេលប៉ុន្មានថ្ងៃមុននេះ ដែលគេស្គាល់ថាមានពីរប្រភេទគឺប្រភេទ F-sport and ប្រភេទ ៤កៅអី Ultra Luxury សម្រាប់ទីផ្សារអាមេរិក។

រូបភាព៖ Lexus LX 600 Offroad version (Source: Motor 1)

ក៏ប៉ុន្ដែ Toyota ក៏នៅតែគិតគូរពីទីផ្សារនៅបណ្ដាប្រទេសផ្សេងៗទៀតដែរ ដោយខ្លួនបានបញ្ចេញនូវ Lexus LX ប្រភេទ offroad ដែលផ្ដោតសំខាន់លើទីផ្សារប្រទេស ជប៉ុនផ្ទាល់ ឬ ហៅថា JDM-spec version។

សម្រាប់លក្ខណៈកង់របស់ LX offroad នេះ ត្រូវរចនាជាមួយនឹងស្ថាបត្យកម្មថ្មីដែលមានលក្ខណៈស្ទាវជាងមុន និងបន្ថយទំហំបន្ដិចពី LX spec ទីផ្សារអាមេរិក ដែលមានទំហំកង់ 22 inch មកនៅនៅត្រឹម 18 inch ព្រមជាមួយនឹងការពង្រឹងបន្ថែមនូវ Lock ប៉ុងដល់ទៅ ៣ ជម្រើស ដើម្បីសម្រួលដល់ការបើកបរលើផ្លូវ offroad។

រូបភាព៖ SlashGear

សម្រាប់រូបរាងខាងក្រៅវាត្រូវបានផ្លាស់ប្ដូរបន្ដិចបន្ដួចដើម្បីឲ្យស្របតាមស្ដាយ offroad របស់ខ្លួនដូចជាមានរំលេចពណ៌ប្រផេះ គូជាមួយកង់ខ្មៅ បាណាស្ពាន់ធ័រប្រផេះស្រអាប់ ជាដើម។

រូបភាព៖ Lexus LX 600 Offroad (Source: Motor 1)

បើនិយាយពីម៉ាស៊ីនវិញ គឺមានលក្ខណៈដូចជា LX ធម្មតា វាត្រូវបានបំពាក់ដោយ ម៉ាស៊ីន Twin-turbo 3.5 L V6 កម្លាំង 409 សេះ ជាមួយនឹងប្រអប់លេខ ១០វគ្គអូតូ។

ប៉ុន្ដែក្រៅពីម៉ាស៊ីនសាំង Toyota ក៏បានបំពាក់នូវប្រភេទម៉ាស៊ីនម៉ាស៊ូតផងដែរ ជាក់ស្ដែងសម្រាប់ទីផ្សារប្រទេស រុស្សីជាដើម ដែលវាជាម៉ាស៊ីន twin-turbo 3.3 L V6 កម្លាំង 305 សេះ និងប្រើប្រអប់លេខ ១០វគ្គអូតូដូចគ្នា។