• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

យោងតាមរបាយការណ៍របស់អគ្គនាយកដ្ឋានបច្ចេកទេស នៃក្រសួងសារធារណៈការ និងដឹកជញ្ជូនបានឲ្យដឹងថា គម្រោងស្ថាបនារចនាសម្ព័ន្ធផ្លូវចំនួន ៣៨ខ្សែ នៅក្រុង សៀមរាប ខេត្ត សៀមរាប គិតត្រឹមខែវិច្ឆិកា ឆ្នាំ ២០២១ នេះសម្រចបានលទ្ធផល ៩២.៧២% ហើយ។ 

រូបភាព៖ MPWT

គម្រោងសាងសង់ផ្លូវទាំង ៣៨ខ្សែ នេះមានប្រវែងសរុប​ ១០៦.៤២ គីឡូម៉ែត្រ ប្រើប្រាស់ថវិកាជាតិសរុបប្រមាណជាង ១៤៩ ២១៦​ ៥៩៥ ដុល្លារអាមេរិក។

រូបភាព៖ សកម្មភាពឯកឧត្តមទេសរដ្ឋមន្ដ្រី ស៊ុន ចាន់ថុល ចុះត្រួតពិនិត្យដំណើរការសាងសង់ផ្លូវទាំង ៣៨ខ្សែ (Source: MPWT)

ក្នុងនោះមាន ៩លានដុល្លារសម្រាប់រៀបចំប្រពន្ធ័បង្ហូរទឹក ដែលមានប្រវែងសរុប ២៤៨.៧២ គីឡូម៉ែត្រ ប្រព័ន្ធបង្ហូរទឹកភ្លៀង ១៤៧ គីឡូម៉ែត្រ និងបណ្ដាញលូទឹកកខ្វក់ ១០​១.៧១ គីឡូម៉ែត្រ និងចញ្ចើមផ្លូវ EN-០៣ ប្រវែង ២.១៩គីឡូម៉ែត្រ។ 

រូបភាព៖ MPWT

ក្រៅពីនេះ ក៏មាននូវការងារដំណើងបរិក្ខារតាមផ្លូវដែលមានដូចជា បំពាក់កាម៉េរាសុវត្ថិភាព ដំឡើងបង្គោលភ្លើងបំភ្លឺផ្លូវ ស្លាក និងភ្លើងសញ្ញាចរាចរណ៍ ជាមួយនឹងការដាំដើមឈើលើខ្សែផ្លូវដើម្បីលម្អផងដែរ។ 

រូបភាព៖ MPWT

ផ្លូវនេះត្រូវបានស្ថាបនាជាលក្ខណៈស្ដង់ដារ​ និងចែកចេញជា បួនប្រភេទ រួមមាន ផ្លូវជួសជុលអ៊ុតប៉េតុងកៅស៊ូបន្ថែមកម្រាស់ ៥សង់ទីម៉ែត្រ, ផ្លូវក្រាលប៊េតុងសរសៃដែកកម្រាស់ ២០សង់ទីម៉ែត្រ រួចអ៊ុតកៅស៊ូកម្រាស់ ៥សង់ទីម៉ែត្រពីលើ, ផ្លូវជួសជុលក្រាលថ្មម៊ិច អ៊ុតកៅស៊ូ ៥សង់ទីម៉ែត្រពីលើ, និង ផ្ផ្លូវក្រាលបេតុងសរសៃដែកកម្រាស់ ២៥សង់ទីម៉ែត្រ។ 

រូបភាព៖ MPWT

គួរបញ្ជាក់ផងដែរ ផ្លូវនេះត្រូវបានបើកការដ្ឋានសម្ភោធការសាងសង់កាលពីថ្ងៃទី ៣០ខែ វិច្ឆិកា ឆ្នាំ ២០២០ ប្រើរយៈពេលសាងសង់ចំនួន ១៣ខែ និងគ្រោងបញ្ចប់ការសាងសង់នៅចុងឆ្នាំ ២០២១នេះ។ 

រូបភាព៖ MPWT

ប្រភព៖ MPWT អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto 

Subscribe Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto