• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីពេលថ្មីៗនេះ ក្រុមប្រឹក្សាអភិវឌ្ឍន៍កម្ពុជា​ (The Council for Development in Cambodia:CDC) ទើបតែបានអនុម័តចេញវិញ្ញានបនបត្រចុះបញ្ជីដល់សំណើរសុំវិនិយោគទុន នៅក្នុងប្រទេសកម្ពុជា ដែលក្នុងនោះមានសំណើរវិនិយោគទុនសាងសង់រោងចក្រពីក្រុមហ៊ុន ឧស្សាហកម្មរថយន្ដធំៗចំនួន ៣ ។ 

ទី ១ គឺ ក្រុមហ៊ុន R M A Automotive (Cambodia) Co., Ltd., គ្រោងបង្កើតរោងចក្រផ្គុំ និតម្លើងរថយន្ដ Ford ដោយចាប់ផ្ដើមពី ពីរ ម៉ូដែលដំបូងគឺ Ford Ranger និង Ford Everest ក្នុងភូមិសារវ័ន ឃុំស្នាអន្សារ ស្រុកក្រគរ​ ខេត្តពោធិ៍សាត់ ក្នុងទុនវិនិយោគជាទឹកប្រាក់ ២១ លានដុល្លារ ជាមួយនឹងការរំពឹងថានឹងតម្លើងបានចន្លោះពី ៤៥០០ ទៅ ៦០០០គ្រឿងក្នុងមួយឆ្នាំ។ 

រូបភាព៖ ផែនទីទីតាំងសាងសង់រោងចក្ររថយន្ដរបស់ក្រុមហ៊ុន R M A Automotive (Cambodia) Co., Ltd. (Source: CDC)

ក្រុមហ៊ុនទី ២ គឺ ក្រុមហ៊ុន HGB Motor វិនិយោគលើការបង្កើតរោងចក្រតម្លើងរថយន្ដដូចគ្នា ដែល ទទួលបានសេចក្ដីអនុម័តចុះបញ្ជីពី CDC កាលពីថ្ងៃទី ២១ ខែកញ្ញា ជាមួយទុនជាទឹកប្រាក់ប្រមាណជាង ៧ លានដុល្លារ​ នឹងដាក់ទីតាំងរោងចក្រក្នុងតំបន់សេដ្ឋកិច្ចពិសេស ក្រុង ប៉ោយប៉ែត ខេត្តបន្ទាយមានជ័យ ដែលត្រូវបានសន្មតថា​នឹងអាចផ្តល់ការងារបានចំនួន ១៦៥កន្លែង។

ទី ៣ គឺក្រុមហ៊ុន EM Automobile Co., Ltd., ដែលមានគម្រោងបង្កើតរោងចក្រផ្គុំ និងតម្លើងរថយន្ដធន់ធ្ងន់ ដូចជា រថយន្ដសណ្ដោង រថយន្ដដឹកទំនិញ ដែលមានទីតាំងស្ថិតនៅផ្លូវជាតិលេខ ៤៨ ភូមិឈូក ឃុំជីខលើ ស្រុកស្រែអំបិល ខេត្តកោះកុង ជាមួយនឹងទុនជាទឹកប្រាក់ ១៦.៣ លានដុល្លារ។ 

រូបភាព៖ ផែនទីទីតាំងសាងសង់រោងចក្ររថយន្ដរបស់ក្រុមហ៊ុន EM Automobile Co., Ltd. (Source: CDC)

តាមរយៈការបង្កើតរោងចក្រក្នុងស្រុកថ្មីនេះ គេរំពឹងថាអាចស្រូបយកកម្លាំងពលកម្មបានច្រើនជាង ១០០០ កន្លែង ចំណែកឯរថយន្ដដែលតម្លើងបាននឹងត្រូវបានចែកចាយលក់ក្នុងស្រុក ជាមួយតម្លៃសមរម្យជាងឡាននាំចូល និងអាចនាំចេញទៅលក់នៅក្រៅប្រទេស ដែលជាឈ្នាន់មួយជួយដល់ការរីកដុះដាលនៃសេដ្ឋកិច្ចជាតិ។

ប្រភព៖ CDC អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto