• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីពេលថ្មីៗនេះ​ក្រុមហ៊ុនផលិតរថយន្ដ Ford គ្រោងការផលិតរថយន្ដម៉ូដែល Ford F-150 របស់ខ្លួនឲ្យប្រើប្រាស់នូវប្រព័ន្ធអគ្គសនី ដែលដាក់ទីតាំងនៅ Rouge Electric Vehicle Center ដែលស្ថិតនៅភាគខាងត្បូងនៃរដ្ឋ Michigan និងគ្រោងដាក់បង្ហាញជាផ្លូវការនៅក្នុងពាក់កណ្តាលឆ្នាំក្រោយនេះ ។

មកដល់ពេលនេះ Ford ទទួលបានការកក់ទុកមុនរហូតទៅដល់ 150 000 គ្រឿងហើយ ព្រមជាមួយនឹងការវិនិយោគផលិតជាទឹកប្រាក់ដល់ទៅ $250 លានដុល្លារ ទៅលើរោងចក្រ 3 កន្លែងរួមមាន រោងចក្រផ្គុំ និងតម្លើង រោងចក្រផលិតអាគុយ រោងចក្រផលិតប្រព័ន្ធគ្រឿងអគ្គសនី ជាមួយនឹងការព្យាករណ៍ថានឹងផលិតបានរថយន្ដ 80 000គ្រឿងក្នុងមួយឆ្នាំ។

គួរបញ្ចាក់ផងដែរថា Ford ក៏គ្រោងនឹងបន្ដការវិនិយោគទៅលើ ការផលិតរថយន្ដអគ្គសនីនេះទៅមុខទៀតជាមួយនឹងការត្រៀមជាទឹកប្រាក់ ដល់ទៅ $30 ពាន់លានដុល្លារ ក្នុងឆ្នាំ២០២៥។ 

បើនិយាយអំពីរថយន្ដវិញ វាត្រូវបានចេញជា ២ម៉ូដែលផ្សេងគ្នា ដែលម៉ូដែលដំបូងត្រូវបានបំពាក់ជាមួយម៉ូទ័រដែលអាចផ្ដល់កម្លាំងបាន 426 សេះ ជាមួយនឹងការធ្វើដំណើរបានចម្ងាយ 370 km ចំណែកឯម៉ូដែលមួយទៀតមានកម្លាំងខ្លាំងជាងបន្ដិច ជាមួយនឹងកម្លាំង​​ 563 សេះ នឹងបើកបរបានចម្ងាយ 482.8 km។ ចំណុចរួមរបស់រថយន្ដទាំងពីរគឺ​វានឹងត្រូវបានបំពាក់ដោយ ប៉ុងពីរ​ 4WD ព្រមជាមួយនឹងតម្លៃព្យាករណ៍ចេញពីរោងចក្រផ្ដើមពី $40 000 ដុល្លារ។ 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto