បន្ទាប់ពីចេញឡានអគ្គីសនីបើកស្វ័យប្រវត្តិម៉ូឌែល Skysphere មិនទាន់បានប៉ុន្មានផងឥឡូវនេះ Audi បានបង្ហាញមុខនូវគម្រូរថយន្ដម៉ូដែល ទីពីររបស់ខ្លួនដែលមានឈ្មោះថា Grand Sphere កាលពីថ្ងៃទី ២ ខែកញ្ញា កន្លងទៅនេះ។​ 

មិនសូវខុសគ្នាពីម៉ូដែល Skysphere ប៉ុន្មាននោះទ ដោយវាត្រូវបានប្រើប្រាស់នូវថាមពលអគ្គសនីសុទ្ធ ជាពិសេសគឺការនាំមកជូននូវមុខងារបើកបរ ២ នោះគឺប្រព័ន្ធបើកបរដោយស្វ័យប្រវត្តិ ដោយចង្កូតឡាន និងឈ្នាន់ហ្គែរ ត្រូវបានពន្លិចចូលទៅក្នុង​ Dashboard ឬតាបឡូ ដែលផ្ដល់នូវលក្ខណៈទូលាយ អ្នកបើកបរអាចផ្ដេកខ្លួន ឬសន្ដូកជើងបានងាយស្រួល និងមុខងារទី ២ ចង្កូតឡាន ក៏ដូចជាឈ្នាន់ហ្គារនឹងត្រូវបានលៀនចេញពី Dashboard មកវិញនៅេពេលដែលអ្នកបើកបរចង់បើកឡានដោយខ្លួនឯង។ 

នៅក្នុង Concept របស់ Audi គឺការផ្ដោតសំខាន់ទៅលើប្រព័ន្ធបច្ចេកវិទ្យា ដូចជាការប្រើប្រាស់អគ្គិសនី ប្រព័ន្ធស្វ័យប្រវត្តិ ភាពវ័យឆ្លាត និងបទពិសោធន៍បែប ឌីជីថល គួបផ្សំជាមួយនឹងប្រណិតភាព នេះបើតាមសម្ដីរបស់លោក Hendrick Wender អ្នកចាត់ការទូទៅរបស់ក្រុមហ៊ុន Audi AG។ 

គួរបញ្ជាក់ផងដែរថា ម៉ូដែលទីបី ដែលមានឈ្មោះថា Urban Sphere នឹងត្រៀមបង្ហាញខ្លួនក្នុងពេលឆាប់ៗនេះផងដែរ។

ប្រភព៖ Motor1 ប្រែសម្រួល៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

Telegram : 👉Advan Auto