• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

បន្ទាប់ធ្វើការបង្ហាញគម្រូឡានអគ្គសនីដ៏ប្រណិតទាំង ៣ របស់ខ្លួនកាលពីចុងឆ្នាំមុននេះ ក្រុមហ៊ុនផលិតរថយន្ដអគ្គិសនីវៀតណាម VinFast បានសម្រេចបង្ហាញមុខនូវឡានអគ្គសនីដំបូងរបស់ខ្លួនហើយ ដែលធ្វើការផលិតក្នុងទឹកដីរបស់ខ្លួនផ្ទាល់ រថយន្ដនេះមានឈ្មោះថា VinFast e34 ឬ VF e34 ដែលជាប្រភេទឡាន SUV ប្រើអគ្គិសនីសុទ្ធ។ 

VF e34 នេះមានបណ្ដោយប្រវែង 4.3 m ទទឹង 1.793 m កម្ពស់ 1,613 m ។ វាត្រូវបានបំពាក់ដោយម៉ូទ័រអគ្គិសនីចំនួន ១ ដែលមានថាមពល 110 kW ឬ 147 សេះ ដែលជាអាគុយ លីចូមអ៊ីយ៉ុង lithium-ion អាចបើកបានចម្ងាយ 300 km ពេលសាកពេញម្ដង និងមានសមត្ថភាពអាចបើកបរបាន 180 km ក្រោយពេលសាកបានត្រឹមតែ 15 នាទី ជាមួយនឹងស្ថានីយ៍សាកល្បឿនលឿនរបស់ VinFast។

សម្រាប់ប្រព័ន្ធខាងក្នុងវិញវាត្រូវបានបំពាក់ដោយ ប្រព័ន្ធ ABS ជាមួយ EBD, traction control, ប្រព័ន្ធទប់លំនឹង, hill start assist និងពោងសុវត្ថិភាពចំនួន ៦ផងដែរ។ 

បើយោងតាមវេបសាយសារព័ត៌មាន VN News បានឲ្យដឹងថា VinFast គ្រោងនឹងបញ្ចេញលក់នូវឡានអគ្គិសនីនេះចំនួន 40, 000 គ្រឿង ក្នុងប្រទេសវៀតណាម ជាមួយនឹងតម្លៃ 690 លានដុង ឬប្រមាណ $30, 317 រួមបញ្ចូលជាមួយនឹងការធានា ១០ឆ្នាំ ប៉ុន្ដែមិនមានបូកបញ្ចូលថ្លៃអាគុយនោះទេ ដោយ VinFast បានរៀបចំផ្ដល់សេវាកម្មឲ្យអតិថិជនធ្វើការបង់រំលស់អាគុយប្រចាំខែប្រមាណ $64 ក្នុងមួយខែជាមួយការការធានាផ្លាស់ប្ដូរអាគុយ​ ប្រសិនបើវាមិនអាចសាកថាមពលលើស ៧០% ព្រមជាមួយនឹងការថែទាំទូទៅជាប្រចាំផងដែរ។ 

ប្រភព៖​ CarBuzz ប្រែសម្រួល៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto