• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ស្របពេលឡានមួយទឹកកំពុងតែមានប្រជាប្រិយភាព ពេលនេះក្រុមអ្នកប្រើប្រាស់កំពុងតែធ្វើការប្ដឹងទៅស្ថាប័ន FTC (Federal Trade Commission) ដែលគេស្គាល់ថាជាស្ថាប័នគណកម្មការពាណិជ្ជកម្មរបស់អាមេរិក ដែលអនុញ្ញាតឲ្យឈ្មួញចរាចរណ៍លក់ឡានមួយទឹកដែលគ្មានគុណភាពដោយស្របច្បាប់។ 

FTC បានធ្វើការអនុញ្ញាតឲ្យឈ្មួញ រួមទាំងក្រុមហ៊ុនយក្ស GM លក់ឡានដែលមានបញ្ហាដោយស្របច្បាប់ ដោយពួកគេគ្រាន់តែបិទផ្លាកបញ្ជាក់ថាឡាននេះមានបញ្ហាសុវត្ថិភាព ។

គួររំឭកផងដែរថា អាមេរិកជាទីផ្សារនាំចូលឡានមួយទឹកមកកម្ពុជាធំជាងគេ ដូចនេះបញ្ហាខាងលើកាន់តែបង្កហានិភ័យដល់អ្នកទិញឡានមួយទឹកនៅកម្ពុជា ដោយហេតុថាឡានខូចខាតមួយចំនួនត្រូវបានឈ្មួញនៅកម្ពុជាយកមកកែច្នៃខុសច្បាប់ ។

ជាមួយគ្នានេះ ឈ្មួញនៅអាមេរិកមួយចំនួនបានផ្សព្វផ្សាយលក់ឡានដែលមិនមានលក្ខណៈគ្រប់គ្រាន់ ឬគ្មានសុវត្ថិភាពឲ្យអតិថិជនជាមួយនឹងការបន្លំថា បានត្រួតពិនិត្យមើលច្បាស់លាស់ និងមានសំបុត្របញ្ជាក់ត្រឹមត្រូវជាដើម ដែលអាចធ្វើឲ្យប៉ះពាល់សុវត្ថិភាពអ្នកទិញយកទៅប្រើប្រាស់។

ជាក់ស្ដែងមានអតិថិជនជាច្រើនហើយដែលបានជួបប្រទះនូវបញ្ហាទិញប៉ះឡានខូច ប្រើប្រាស់មិនកើត និងមានអ្នកខ្លះធ្លាប់មានគ្រោះថ្នាក់ទៀតផង។ បញ្ហាដែលជួបមានដូចជា ករណីសុខៗផ្ទុះពោងសុវត្ថិភាព, រថយន្ដឆាបឆេះដោយមិនដឹងមូលហេតុ, Error ប្រព័ន្ធម៉ាស៊ីនធ្វើឲ្យរលត់, ហ្រ្វាំងខូចជាដើម។

រឿងនេះធ្វើឲ្យក្រុមអ្នកប្រើប្រាស់ និងស្ថាប័នធំមួយចំនួនដូចជា US PIRG​ (US Public Interest Research Group), CARS (Customer for Auto Reliability and Safety) និង The Center for Auto Safety ជាដើមដាក់ពាក្យបណ្ដឹងទៅកាន់ FTC ឲ្យកែប្រែកំហុសឡើងវិញ។ 

ប្រភព៖ U.S. PIRG អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto