• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីពេលថ្មីៗនេះតាមរយ: របាយការណ៍ពីភ្នាក់ងារប៉ូលីសតំបន់ York Region ប្រទេសកាណាដាបានឲ្យដឹងថា មានបទល្មើសលួចឡានប្រភេទថ្មីរបស់ចោរសម័យទំនើប ដោយប្រើប្រាស់ឧបករណ៍ចាប់ទីតាំង AirTag ដែលជាបច្ចេកវិទ្យារបស់ក្រុមហ៊ុន Apple ។ 

ប៉ូលីសកាណាដា បានបង្ហាញពីដំណើរការនៃការលួចរបស់លោកចោរសម័យថ្មីថា ពួកគេចាប់ផ្ដើមប្រតិបត្ត្ដិការដោយបំពាក់ឧបករណ៍ AirTag មានរាងមូលតូច របស់ Apple នេះលើឡានដែលគេប៉ងចង់លួច ត្រង់កន្លែងណាមួយដែលម្ចាស់ឡានមិនចាប់អារម្មណ៍ បន្ទាប់មកគេ គេភ្ជាប់ប្រព័ន្ធរបស់ AirTag នេះជាមួយនឹង App “Find My” របស់ Apple ដើម្បីតាមដានចាប់ទីតាំងរថយន្ដ និងម្ចាស់រថយន្ដ។

ភ្ជាប់ប្រព័ន្ធបានហើយ ពេលម្ចាស់ឡានចតឡាននៅទីតាំងណាមួយ ហើយនៅឆ្ងាយពីរថយន្ដ លោកចោរក៏ចាប់ផ្ដើមប្រើស្នៀតប្រពៃណីរបស់ខ្លួន គាស់ទ្វារឡានចូលទៅខាងក្នុងកាបីន រួចប្រើឧបករណ៍អេឡិចត្រូនិចរបស់ខ្លួនភ្ជាប់ទៅនឹង តាបឡូដើម្បី reset ប្រព័ន្ធបញ្ជាខាងក្នុងរថយន្ដ និងដោះសោរបញ្ឆេះឡានបើកគេចខ្លួនជាស្ថាពរ។ 

ទន្ទឹមនឹងនេះដើម្បីជាការការពាររឿងហេតុបែបនេះកើតឡើង ភ្នាក់ប៉ូលីស ក៏បានផ្ដល់ជាគន្លឹះមួយចំនួន ដល់ម្ចាស់ឡានផងដែរ ក្នុងនោះមានដូចជា៖​ ទី១ បើសិនជាម្ចាស់ឡានប្រើប្រាស់ទូរសព្ទ iPhone នោះវានឹងលោតសញ្ញាជូនដំណឹង (Notification) នៅពេលវាទទួលបានសញ្ញាណថាមាន​ AirTag នៅក្បែរ។ 

ទី២ បើសិនជាអាច ម្ចាស់ឡានគួរព្យាយាមចតឡានក្នុងការាសដែលបិទជិត ឬការាសបន្ទប់។

ទី៣ ចាក់សោរចង្កូតឡាន ពេលចតឡាននៅឆ្ងាយពីខ្លួន

និងគន្លឹះទី ៤ គឺដោនឡូត កម្មវិធីចាក់សោរប្រព័ន្ធបញ្ជាឡាន ដើម្បីការពារការជ្រាតចូលលូកលាន់ពី ឧបករណ៍ផ្សេង។ 

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto 

Subscribe Youtube Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto