ខណៈចិនបានក្លាយជាប្រភពផលិតឡានតម្លៃទាបជាងគេក្នុងពិភពលោក ពេលនេះឥណ្ឌាក៏មានលទ្ធភាពក្នុងការផលិតឡានតម្លៃទាបដូចគ្នា ដោយក្រុមហ៊ុនឥណ្ឌា Tata Motor កាលពីពេលថ្មីៗនេះកំពុងត្រៀមខ្លួនបង្ហាញមុខនូវរថយន្ដ SUV ខ្នាតតូចថ្មីរបស់ខ្លួនលើទីផ្សារ ដោយក្នុងនោះមាន ២ម៉ូដែល។

ម៉ូដែលទីមួយមានឈ្មោះថា Tata SUV HBX ឬហៅក្រៅថា Hornbill មានតម្លៃរំពឹងទុកពេលចេញលក់ខ្ទង់ ៥សែន រូពី ឬស្មើនឹង $6735 បំពាក់ដោយម៉ាសីុន  turbocharged ចំណុះ 1.2-litre ដូចទៅនឹងឡានសេរីមុនគឺ Tata Tigor Altroz និង Tiago ។ រីឯរូបរាងរបស់វាវិញគឺស្រដៀងទៅនឹងបងប្អូនរបស់ខ្លួនគឺ Tata Nexon និង​ Tata Harrier បំពាក់ជាមួយនឹងប្រព័ន្ធបញ្ជាផ្នែកខាងក្នុងច្រើន អេក្រង់ Infotainment Touch screen អមជាមួយនឹងមុខងារភ្ជាប់ជាមួយនឹងទូរសព្ទដៃបានផងដែរ។

ចំណែកឯម៉ូដែលទីពីរដែល Tata Motor ទើបតែណែនាំឲ្យស្គាល់នោះមានឈ្មោះថា Tata SUV Punch វាមានរូបរាងជំទើរជាង SUV ធម្មតាបន្ដិច មានតម្លៃខ្ទង់​ ៤៥០​ ០០០រូពីឬ $6062 ទៅ ៧៥០ ០០០ រូពីឬស្មើនឹង $10, 103។ 

ប្រភព៖ ABP ប្រែសម្រួល៖ Andra

.............................................................................

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

Telegram : 👉Advan Auto