តាមរយៈការចុះផ្សាយពីទស្សនាវដ្ដីរថយន្ដ​ The Drive កាលពីពេលថ្មីៗនេះបានឲ្យដឹងថាក្រុមហ៊ុនផលិតរថយន្ដដ៏ល្បីឈ្មោះ Ford បានកំពុងនឹងមានគម្រោងរៀបចំ ប៉ាតង់ថ្មីប្លែកសម្រាប់ឡានអគ្គសនីរបស់ខ្លួន ដោយការសាកអាគុយតាមរយៈការសណ្ដោងជាមួយឡានដឹកទំនិញ ឬឡានធំនៅខាងមុខ។ Ford បានបកស្រាយថា ប្រតិបត្តិការនេះដំណើរការដោយឡានអគ្គសនីត្រូវបានទាក់សណ្ដោង និង​សាកទៅនឹងឡានដឹកទំនិញ ឬប្រភេទជាឡាន RV នៅខាងមុខស្របពេលដែលកំពុងធ្វើដំណើរ ដោយកង់របស់វាទាំងបួន ឬកង់ពីរស្ថិតនៅលើថ្នល់។

Ford ក៏បានបន្ថែមទៀតថា យើងអាចភ្ជាប់ប្រព័ន្ធបញ្ជា និងបញ្ជូនទិន្នន័យជាមួយឡានផ្សេងតាមរយៈ Bluetooth ឬ Internet នៅពេលឡានយើងនិងឡានគេធ្វើដំណើរក្នុងទិសដៅតែមួយ នោះគេនឹងអាចអូសសណ្តោងឡានយើងដើម្បីសាកអាគុយបាន ។

ទោះជាយ៉ាងណាក៏ដោយ Ford នៅតែមិនទាន់បង្ហើបនូវព័ត៌មានច្បាស់លាស់នៅឡើយថានឹងធ្វើវាមែនឬ ទេ ប៉ុន្ដែវាអាចនឹងជាជំហានបន្ទាប់សម្រាប់ Ford លើប្រព័ន្ធ Power Pro Onboard សម្រាប់ឡាន Ford F-150 PowerBoost Hybrid 2021 និង​ Ford F-150 Lightning 2022 របស់ខ្លួនដោយសារតែវាទាំងពីរប្រើប្រាស់នូវប្រព័ន្ធអគ្គសនី។

.............................................................................

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

Telegram : 👉Advan Auto