កាលពីពេលថ្មីៗនេះ រថយន្ដ Toyota Corolla សេរ​ីឆ្នាំ ១៩៨៧ ដែលធ្លាប់ជិះបានចម្ងាយ ជាង ១៥០ ,០០០ គម មកហើយ ត្រូវបានគេដេញថ្លៃតាមរយៈ Website Car & Classic’s online auction នាប្រទេសអង់គ្លេសក្នុងតម្លៃរហូតដល់ទៅ $92, 600 ឯណោះ។ បើតាមម្ចាស់ឡានបានឲ្យដឹងថា Toyota Corolla AE86 GT កាលពីគាត់ទិញមកដំបូងក្នុងឆ្នាំ ១៩៨៧ មានតម្លៃ £12,500 ឬ $1,7195 នេះបើតាមការចុះផ្សាយនៅលើវេបសាយ Stuff.co ។​

ហេតុផលពីក្រោយតម្លៃកប់ក្ដោងនៃឡានមួយនេះ គឺមិនមែនដោយសារតែវាធ្លាប់បានជិះដោយតារាល្បីនោះទេ ហើយក៏មិនមែនមកពីវាជាឡានដែលកម្ររកបានដែរ គឺដោយសារតែវាជាឡានដែលមានម្ចាស់តែម្នាក់គត់ ហើយមិនត្រឹមតែមានអាយុកាលចំណាស់ប៉ុណ្ណោះទេ វាថែមទាំងរក្សាបាននូវទ្រង់ទ្រាយដើម និងដៃជើង ម៉ាស៊ីនសុទ្ធល្អមកពីនាយ ដែលមិនធ្លាប់មានការកែច្នៃ ឬឆ្លងកាត់ដៃម្ចាស់ច្រើនឡើយ ព្រមទាំង ទទួលការថែទាំយ៉ាងទៀតទាត់ ដោយតាំងពីទិញមកវាធ្លាប់ឈឺធ្ងន់ចូលជាងត្រឹម ៩ដងប៉ុណ្ណោះ ។  

មូលហេតុដែលបណ្ដាលឲ្យគាត់សម្រេចចិត្តលក់់ឡានដ៏សំណព្វចិត្តរបស់ខ្លួនគឺដោយសារតែវាបានបង្ហាញពីសញ្ញានៃជរាភាពរបស់វាកាលពីពេលថ្មីៗនេះដោយខ្សោយលើកម្លាំងចង្កូត និងស្របពេលដែលក្រុមហ៊ុន Toyota ក៏កំពុងតែត្រូវការប្រមូលទិញនូវរថយន្ដសុទ្ធសេរីចាស់ៗជួរទស្សវត្ស ៨០ ដល់៩០ របស់ខ្លួនត្រឡប់មកវិញផងដែរ ឬបើគិតឲ្យចំទៅ តម្លៃដែលគេដាក់ថ្លៃក៏គួរឲ្យពិចារណាដែរ។ 

ប្រភព៖ Stuff.co ប្រែសម្រួល ៖ Andra

.............................................................................

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

Telegram : 👉Advan Auto