• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ថ្មីៗនេះ ក្រុមហ៊ុនផលិតឡាន pickup ល្បីឈ្មោះ Ford Motor បានប្រកាសបោះទុនវិនិយោគជាទឹកប្រាក់ ៩០០ លានដុល្លារអាមេរិក លើការកែប្រែបច្ចេកវិទ្យាផលិតរថយន្ដក្នុងរោងចក្រ Ford ចំនួន​ ២ ក្នុងប្រទេសថៃដែលមួយជារោងចក្រ Ford ផ្ទាល់គឺ  Ford Thailand Manufacturing (FTM) និងរោងចក្រមួយទៀតដែលជាការចូលហ៊ុនជាមួយនឹងក្រុមហ៊ុន ផ្សេង ឈ្មោះថារោងចក្រ AutoAlliance Thailand (AAT) ។ 

ទឹកប្រាក់នេះនឹងត្រូវចំណាយទៅលើ ការបំពាក់បច្ចេកវិទ្យាថ្មី ដែលរួមមាន ការបំពាក់ឧបករណ៍ដំឡើងរថយន្ដថ្មីទំនើប ការកែប្រែបច្ចេកវិទ្យាដំណើរការបង្គុំឡានថ្មី ជាមួយនឹងការផ្ដល់វគ្គបណ្ដុះបណ្ដាលការប្រើប្រាស់បច្ចេកវិទ្យាទំនើប ដល់បុគ្គលិកផងដែរ។

រោងចក្រ FMT នឹងត្រូវបានបំពាក់ជាមួយនឹង ScanBox ដែលជាឧបករណ៍សម្រាប់ ស្កេនមើលលក្ខណៈត្រឹមត្រូវរបស់រថយន្ដក្នុងពេលដំឡើង ដែលទទួលបានលទ្ធផលច្បាស់ជាងការពិនិត្យធម្មតាដល់ទៅ ៥ដង។ ចំពោះផ្នែកបច្ចេកវិទ្យាវិញ រោងចក្រទាំងពីរ នឹងត្រូវបានកែប្រែឲ្យមានការប្រើប្រាស់ប្រព័ន្ធស្វ័យប្រវត្តិ និងរូបូតកាន់តែច្រើនពី ៣៤% ទៅ  ៨០%។  

ថ្វីត្បិតថារោងចក្រថ្មីនេះ ប្រើម៉ាស៊ីនច្រើនជាងមនុស្ស តែយ៉ាងណាកំណែប្រែរោងចក្រថ្មីនេះនឹងជួយផ្តល់ការងារបន្ថែម ១២០០ កន្លែង ហើយផលិតផលសម្រេចនឹងត្រូវនាំចេញទៅកាន់ទីផ្សារ​ជាង ១៨០ ប្រទេសទូទាំងពិភពលោក។

Ford ក៏បានបន្ថែមទៀតថា ចំពោះ Ford Ranger សេរីថ្មីនឹងត្រូវបញ្ចេញលក់នៅពាក់កណ្ដាលឆ្នាំ ២០២២ រីឯ Ford Everest ចេញបន្ទាប់ពី Ford Ranger។  

ប្រភព៖ ZigWheels អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto