• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ក្រោយពីប្រកាសបើកមុខ Range Rover SV សេរីឆ្នាំ ២០២២​ ថ្មីៗនេះ ដែលក្រៅតែពីរូបរាងសង្ហារ និងបច្ចេកវិទ្យាទំនើបរបស់វា Land Rover បានផ្ដល់ជម្រើសលេងម៉ូដរថយន្ដបន្ថែមជាង ១.៦ លានជម្រើសប្លែកៗគ្នា តាមការចង់បានរបស់អតិថិ៊ជន នេះបើតាមការឲ្យដឹងពីក្រុមប្រតិបត្ដិការរថយន្ដពិសេសរបស់ Land Rover​ (Land Rover Special Vehicle Operations: SVO)។

អតិថិជនអាចកែច្នៃ លេងម៉ូដបានគ្រប់យ៉ាងតាមការចូលចិត្ត មិនថាជារូបរាងខាងក្រៅ ចង់បានបណ្ដោយ វែង ខ្លី, ចង់ប្ដូរពណ៌ឡានដែលប្រើទឹកថ្នាំប្លែកខុសពីគេ, ប្ដូរម៉ូដយ៉ាន់កង់ ឬ ចង់ប្ដូរផ្នែកខាងក្នុង ដូចជាចង់បានកៅអី ៤, ៥, មានទ្រាប់ក្រណាត់ស្បែក ឬ ក្រណាត់បែបកាមីញីប្រណិត (Ultrafabric) ទន់ មានផាសុខភាព, ប្រអប់ចង្កឹះលេខធ្វើពី សេរ៉ាមិច, console កណ្ដាលធ្វើពីឈើបាញ់ laser និងលក្ខណៈផ្សេងៗគ្នាជាច្រើនទៀតតាមការនិយម។ 

សម្រាប់ផ្នែកម៉ាស៊ីនវិញ ក៏ត្រូវបាននាំមកជាមួយជម្រើសច្រើនដែរ ដោយ នៅសហរដ្ខអាមេរិក មានប្រភេទ plug-in-hybrid កម្លាំង 434 សេះ ចេញឆ្នាំ  ២០២៣ និងអគ្គិសនីសុទ្ធមកដល់ក្នុងឆ្នាំ ២០២៤។ ខាងអឺរ៉ុបវិញមានម៉ាស៊ីន ប្រភេទ Plug-In Hybrid ចំណុះ 3.0 L, 6 ស៊ីឡាំង ជំនួយដោយអាគុយ លីចូមអីយ៉ុង 38.2 kWh ព្រមជាមួយម៉ូទ័រអគ្គិសនីកម្លាំង 141 សេះ។ ប្រព័ន្ធជើងក្រោមប្រភេទ five-link ភ្ចាប់មកជាមួយនឹងបូមខ្យល់ adaptive air suspension ហើយមានប្រភេទប៉ុង២ AWD និង អាច Lock ប៉ុងក្រោយបាន ។ រីឯសន្ទុះរបស់វាអាចជាន់ស្ទុះពី 0-100km/h ក្នុងរយៈពេលតែ 5.6 វិនាទី។

Range Rover សេរីថ្មីនេះ ត្រូវបាន design ជាច្រើនម៉ូដ មានដូចជា SV Serenity, SV Intrepid និង SV Signature Suite។ 

សម្រាប់តម្លៃរបស់វាវិញនៅមិនទាន់ច្បាស់នៅឡើយទេ តែគេសន្និដ្ឋានថា នៅអាមេរិកនឹងចាប់ផ្ដើមពី $104, 000 និងម៉ូដែលខ្ពស់ប្រវែងវែងចាប់ពី $163, 500 តែគេនឹងចាប់បើកការកម្មង់ក្នុងរង្វង់ដើមឆ្នាំ ២០២២ ខាងមុខនេះ។