• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីពេលថ្មីៗនេះ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា រដ្ឋាភិបាលកំពុងរៀបចំគោលការណ៏ និងហេដ្ឋារចនាសម្ព័ន្ធដើម្បីគាំទ្ររថយន្តអគ្គិសនី(EV) និងលើកទឹកចិត្តដល់ការប្រើប្រាស់រថយន្តអគ្គីសនីនៅក្នុងប្រទេសកម្ពុជា ព្រមទាំងពង្រឹងផែនការកាត់បន្ថយការបំភាយឧស្ម័នកាបូនផងដែរ ។

ជាមួយគ្នានេះកម្ពុជាក៏បានចុះហត្ថលេខារួមគ្នាជាប្រទេសផ្សេងទៀតក្នុងការលុបបំបាត់ឡានសាំងត្រឹមឆ្នាំ ២០៤០ ខណៈដែលឡានអគ្គិសនីបានមានវត្តមានក្នុងទីផ្សារកម្ពុជារួចហើយ  ។

រថយន្តអគ្គិសនីដូចជា MG, Tesla, BMW គឺជាកាតាលីករដ៏សំខាន់សម្រាប់ការកាត់បន្ថយឧស្ម័នកាបូនិក និងការបំភាយឧស្ម័នដែលពាក់ព័ន្ធនៅក្នុងបរិយាកាស និងការបោះជំហានក្នុងការទប់ស្កាត់ការបង្កគ្រោះថ្នាក់ដល់បរិស្ថាន។

ក្នុងនោះដែរ ក្រុមហ៊ុន MG Cambodia បានប្រាប់ Advan Auto ថា "យ៉ាងណាឡានអគ្គិសនីក៏មានគុណវិបត្តិមួយចំនួនបើប្រៀបធៀបទៅនឹងរថយន្តប្រើសាំងធម្មតានៅក្នុងប្រទេសកម្ពុជា ប៉ុន្តែរថយន្តអគ្គិសនីនឹងផ្តល់នូវអត្ថប្រយោជន៍ជាច្រើន ជាពិសេសគឺពេលទៅថ្ងៃអនាគត ដែលប្រជាពលរដ្ឋកម្ពុជាគួរយល់ដឹងមុនសម្រេចចិត្តធ្វើជាម្ចាស់ឡានអគ្គិសនី" ។

• គុណសម្បត្តិ

• រថយន្តអគ្គីសនីផ្តល់នូវតម្លៃសមរម្យដែលប្រជាជនកម្ពុជាអាចមានលទ្ធភាពក្នុងការទិញប្រើប្រាស់
• រថយន្តអគ្គីសនីមានដំណើរការល្អ កម្លាំងខ្លាំង និងការថែទាំទាប
• មុខងារប្រើប្រាស់ទំនើប ទាន់សម័យ និងជាពិសេសគឺប្រព័ន្ធសុវត្ថិភាព
• ងាយស្រួលដំឡើងឧបករណ៏សាកអគ្គីសនីនៅផ្ទះផ្ទាល់ពីព្រោះនៅពេលអ្នកទិញរថយន្តអគ្គីសនី អ្នកចែកចាយរថយន្តផ្លូវការនឹងផ្តល់នូវឧបករណ៏សាកអគ្គីសនីដែលអ្នកអាចដំឡើងនៅផ្ទះ ហើយអាចបញ្ចូលថាមពលនៅផ្ទះបាន

• ងាយស្រួលបើកបរនៅក្នុងទីក្រុង ព្រោះអ្នកអាចបញ្ចូលថាមពលមួយពេញនៅផ្ទះដោយចំណាយពេលមួយយប់ដែលអ្នកអាចរីករាយក្នុងការបើកបរបាននាថ្ងៃបន្ទាប់ ហើយជាមធ្យមវាត្រូវការបញ្ចូលថាមពល ២ដងក្នុងមួយសប្តាហ៏។ បន្ថែមពីការសាកថាមពលនៅផ្ទះ ។ សព្វថ្ងៃនេះ យើងក៏មានស្ថានីយសាកថាមពលសម្រាប់រថយន្តអគ្គីសនីមួយទៀតដែរគឺនៅផ្សារទំនើបអ៊ីអនមលសែនសុខដែលអ្នកក៏អាចសាកថាមពល និងបន្តការធ្វើដំណើររបស់អ្នកបាន។
  
• មិនមានសម្លេងរំខានចូលក្នុងកាប៊ីនរថយន្ត ហើយបទពិសោធន៍នៃការបើកបរប្រកបដោយផាសុកភាពដូចរថយន្តម៉ាស៊ីនសាំងធម្មតាដែរ ម្យ៉ាងវិញទៀត នាពេលអនាគតវានឹងក្លាយជារថយន្តដ៏ទំនើប រលូននិងស្ងាត់ល្អ ដែលមានប្រសិទ្ធភាព ហើយវាពិតជាមានដំណើរការបានល្អនៅពេលបើកបរលើដងផ្លូវ។  
  

• គុណវិបត្តិ

• មិនមានឧបករណ៏សាកថាមពលច្រើននៅតាមទីសាធារណៈទេដែលធ្វើឱ្យការបើកបរបានត្រឹមចម្ងាយផ្លូវជិត និងអាចបើកបរជាប្រចាំនៅក្នុងទីក្រុងបាន។ ការបញ្ចូលថាមពលមួយពេញជាមួយនឹងឆ្នាំងសាកកម្រិត1 ឬកម្រិត2 វាអាចចំណាយពេលរហូតដល់8ម៉ោង ហើយស្ថានីយសាកថ្មលឿនក៏ត្រូវចំណាយពេល30នាទីដើម្បីសាកថ្មបាន80%។

ប៉ុន្តែយ៉ាងណា MG Cambodia ក៏បានអះអាងថា នៅថ្ងៃអនាគត, រថយន្តអគ្គិសនីនឹងមានការពេញនិយមនៅក្នុងប្រទេសកម្ពុជា ជាមួយនឹងអត្ថប្រយោជន៍ជាច្រើន ព្រមទាំងផ្តល់នូវភាពងាយស្រួល និងសន្សំសំចៃដល់ប្រជាជនកម្ពុជាផងដែរ។ ទន្ទឹមនឹងនោះដែរ រដ្ឋាភិបាលធានាថានឹងមានហេដ្ឋារចនាសម្ព័ន្ធ និងសេវាកម្មពេញលេញសម្រាប់រថយន្តអគ្គីសនីនៅក្នុងប្រទេសកម្ពុជា រួមទាំងស្ថានីយ៍សាកថាមពល មជ្ឈមណ្ឌលសេវាកម្មថែទាំង និងការផ្គត់ផ្គង់គ្រឿងបន្លាស់ ព្រមទាំងការបណ្តុះបណ្តាលអំពីរថយន្តអគ្គីសនីផងដែរ។

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto