• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ក្រោយពីសេចក្តីប្រកាសរបស់រដ្ឋបាលខេត្តពោធិសាត់កាលពីថ្ងៃទី​១៤ ខែកញ្ញាឆ្នាំ ២០២១ កន្លងមក ស្ដីពីគម្រោងសាងសង់រោងចក្រផ្គុំ និងតម្លើងរថយន្ដ Ford ដែលមានទីតាំងស្ថិតនៅក្នុងភូមិសាវ័ន ឃុំស្នាអន្សា ស្រុកក្រគរ ពេលនេះបានចាប់ផ្ដើមបើកការដំណើរការសាងសង់ហើយ នេះបើតាមសេចក្តីប្រកាសពីសហព័ន្ធឧស្សាហកម្មយានយន្ដកម្ពុជា កាលពីថ្ងៃទី ២៦ ខែតុលា ឆ្នាំ​២០២១ កន្លងទៅនេះ ។

រូបភាព៖ ដំណើរការសាងសង់រោងចក្រផ្គុំ និងតម្លើងរថយន្ដ FORD ក្នុងខេត្តពោធិ៍សាត់ (Source: CAIF)

គម្រោងសាងសង់នេះ ស្ថិតក្រោមការិនិយោគទុនរបស់ក្រុមហ៊ុន RMA Automotive (Cambodia) Co., Ltd​ ដែលជាក្រុមហ៊ុននាំចូល និងចែកចាយរថយន្ដ Ford ក្នុងប្រទេសកម្ពុជា ជាមួយនឹងទឹកប្រាក់វិនិយោគប្រមាណ ២១លានដុល្លារ ដែលការផលិតផ្ដោតសំខាន់ទៅលើដំណើរការផ្គុំ តម្លើង ចែកចាយ លក់ និងផ្ដល់សេវាកម្មទៅលើ រថយន្ដពីរ ម៉ូដែលដំបូងគឺ Ford Ranger និង Ford Everest ។

រូបភាព៖ ដំណើរការសាងសង់រោងចក្រផ្គុំ និងតម្លើងរថយន្ដ FORD ក្នុងខេត្តពោធិ៍សាត់ (Source: CAIF)

គួរបញ្ចាក់ផងដែរថា ការបង្កើតរោងចក្រនេះអាចនឹងស្រូបយកកម្លាំងពលកម្មបានប្រមាណ ៥០០នាក់សម្រាប់ដំណើរការខ្សែសង្វាក់ផលិតកម្ម និងរំពឹងថានឹងដំឡើងបានរថយន្ដពីចន្លោះ ៤៥០០ ទៅ ៦០០០គ្រឿងក្នុងមួយឆ្នាំ ដែលជាកត្តាមួយជួយលើកកម្ពស់ជីវភាពប្រជាពលរដ្ឋខ្មែរ ក៏ដូចជាកាត់បន្ថយការនាំចូលរថយន្ដពីបរទេសផងដែរ។ 

ប្រភព៖ CAIF ប្រែសម្រួល៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto