• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ថ្មីៗនេះមានការលេចឮដំណឹងថា ក្រុមហ៊ុនផលិតឡានជប៉ុនល្បីឈ្នោះ Toyota កំពុងតែចាប់ដៃគ្នាសហការជាមួយក្រុមហ៊ុនផលិតឡានចិន BYD ប្រើប្រាស់បច្ចេកវិទ្យាផលិតអាគុយថ្មី បំពាក់ក្នុងឡានអគ្គិសនីសេរីក្រោយៗរបស់ Toyota ក្នុងគោលបំណងធ្វើយ៉ាងណាឲ្យឡានមានតម្លៃទាប និងដើម្បីប្រកួតប្រជែងជាមួយទីផ្សារឡានអគ្គិសនីចិន។ 

បច្ចេកវិទ្យាផលិតអាគុយថ្មីនេះជាគម្រូរបស់ក្រុមហ៊ុន BYD ដោយផលិតអាគុយប្រភេទ លីចូម អ៊ីយ៉ុង ផូស្វាត ស្ដើង ឬ (Lithium-iron-phosphate: LFP) Blade Battery ដោយសារតែវាមានតម្លៃទាប សមាសធាតុផ្សំងាយស្រួលរក ធន់នឹងកម្ដៅ និងមិនប្រើប្រាស់សារធាតុដូចជា កូបាល ឬនីកែឡ

មានសុពលភាពវែងជាងអាគុយ លីចូមអ៊ីយ៉ុងធម្មតា និងមានកម្រាស់ប្រមាណ ១០ សម ស្ដើងជាងអាគុយលីចូមអ៊ីយ៉ុងធម្មតាពី ៥ ទៅ ១០ សម។

ក៏ប៉ុន្ដែអាគុយប្រភេទនេះអាចនឹងកាត់បន្ថយចម្ងាយ រត់របស់ឡានរាល់ពេលសាកមួយពេញ។ 

គួរបញ្ចាក់ផងដែរថា Toyota ត្រៀមនឹងបញ្ចេញមុខឡានអគ្គិសនីម៉ូដែលទី ២ក្នុងក្រុមឡានអគ្គិសនី bZ (bZ series) របស់ខ្លួន នៅក្នុងកម្មវិធីតាំងបង្ហាញរថយន្ដក្នុងក្រុង ប៉េកាំង (Beijing auto show) នៅខែ មេសាខាងមុខនេះ ហើយមានវេបសាយជាច្រើនព្យាករណ៍ថា ម៉ូដែលថ្មីនេះអាចនឹងមានទំហំធំទូលាយ ជាងឡាន Toyota Corolla ធម្មតា។

តាមរយៈការលើកឡើងពីវេបសាយរថយន្ដមួយដែលសុំមិនបញ្ចេញឈ្មោះបានឲ្យដឹងថា ក្រោយពីបំពាក់បច្ចេកវិទ្យាថ្មីនេះហើយ ឡានអគ្គិសនីក្រោយៗរបស់ Toyota អាចនឹងមានតម្លៃក្រោមពី $៣០, ០០០។  

ប្រភព៖ WTVB អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto 

Subscribe Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto