កាលពីពេលថ្មីៗនេះ អគ្គនាយកដ្ឋានពន្ធដារ​បានបញ្ចេញប្រពន្ធ័បង់ពន្ធមធ្យោបាយ ធ្វើដំណើរថ្មីតាមរយៈស្មាតហ្វូនដោយប្រើប្រាស់ App មួយមានឈ្មោះថា GDT Taxpayer App ដើម្បីជាការសម្រួលដល់បងប្អូនប្រជាពលរដ្ឋមួយផ្នែកដោយអាចបង់ពន្ធ លតាបត្រឆ្នាំថ្មី លើមធ្យោបាយដឹកជញ្ជូន និងយានជំនិះគ្រប់ប្រភេទដោយមិនចាំបាច់ត្រូវធ្វើដំណើរមកកាន់ អគ្គនាយកដ្ឋានបង់ពន្ធផ្ទាល់។ 

រូបភាព៖ GDT

នៅក្នុងកម្មវិធីនេះពិតជាផ្ដលភាពងាយស្រួលខ្លាំងដោយសម្រាប់អ្នកធ្លាប់បង់ពន្ធពីមុន ដែលមានបណ្ណ័សម្កាល់ការបង់ពន្ធ ឬលតាបត្រឆ្នាំចាស់គ្រាន់តែធ្វើការបំពេញនូវព័ត៌មានមួយចំនួនដែលត្រូវបានទាមទារ​។

រូបភាព៖ GDT

លើសពីនេះទៅទៀត បន្ទាប់ពីបង់ពន្ធហើយសម្រាប់អ្នកដែលនៅភ្នំពេញអាចធ្វើការទៅទទួល លតាបត្រនៅអគ្គនាយកដ្ឋានផ្ទាល់ ឬក៏អាចដៅទីតាំងជាក់ស្ដែងដែលចង់ទទួលលតាបត្រនៅលើផែនទីឲ្យបានច្បាស់លាស់ ព្រមជាមួយនឹងលេខទូរសព្ទ នោះក្រុមការងារនាយកដ្ឋាននឹងធ្វើការដឹកជញ្ជូនទៅដល់ទីកន្លែងតែម្ដង តែសម្រាប់បងប្អូនដែលស្ថិតនៅតាមខេត្តអាចធ្វើការទៅយក លតាបត្របាននៅតាមសាខារបស់អគ្គនាយកដ្ឋានពន្ថដាតាមខេត្តនីមួយៗ ហើយនឹងធ្វើការបង់ប្រាក់ពន្ធតាមរយៈគណនេយ្យធនាគារដែលអ្នកមាន។

គួបបញ្ជាក់ផងដែរថា ការប្រមូលពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទសម្រាប់ឆ្នាំ ២០២១ នឹងត្រូវដាក់​ឲ្យអនុវត្តចាប់ពីថ្ងៃទី១ ខែមិថុនា រហូតដល់​ថ្ងៃទី៣០ ខែវិច្ឆិកា​ ឆ្នាំ២០២១​ តទៅ​។ អគ្គនាយកដ្ឋានពន្ធដារ ក៏បានប្រកាសបញ្ជាក់ថា ចាប់ពីថ្ងៃទី១ ខែមករា ឆ្នាំ២០២២ តទៅ អគ្គនាយកដ្ឋាន​ពន្ធដារ នឹងចូលរួមសហការជាមួយ​អាជ្ញាធរសមត្ថកិច្ច ដើម្បីចុះត្រួតពិនិត្យការប្រកាសបង់ពន្ធ និងធ្វើការពិន័យ​ចំពោះម្ចាស់​យានយន្ត​ទាំងឡាយណា ដែលមិនទាន់​បានប្រកាសបង់ពន្ធក្នុងឆ្នាំកន្លងមក តាមច្បាប់ស្តីពី​សារពើពន្ធជាធរមាន​។

ប្រភព៖ GDT អត្ថបទ៖ Andra

.............................................................................

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

Telegram : 👉Advan Auto