ក្រោយពីមានព័ត៌មានលេចឮថា ឡាន Tesla Model 3 គ្រឿងដំបូងបំផុតបានមកទឹកដីកម្ពុជា ហើយក៏ស្ងប់ស្ងាត់ទៅវិញ ពេលនេះ Tesla ច្រើនគ្រឿងទៀតបានបើកចេញពីកប៉ាល់ចូលមកដល់កំពង់ផែខេត្តព្រះសីហនុហើយ ។

បើតាមប្រភពពីបុគ្គលិកបម្រើការនៅក្នុងក្រុមហ៊ុនដឹកជញ្ជូននៅកំពង់ផែព្រះសីហនុបានប្រាប់ Advan Auto ថា ឡាន Tesla ដែលនាំចូលមកជើងក្រោយនេះមានទាំងអស់ចំនួន ៧ គ្រឿង ដែលក្នុងរួមមាន Model Y និង Model 3 ។ ប្រភពដដែលក៏បានឲ្យដឹងថា ក្រៅពី Tesla ក៏មានឡានអគ្គីសនីប្រេនផ្សេងជាច្រើនគ្រឿងផងដែរ បានធ្វើដំណើរមកជាមួយគ្នា ។

ប្រភពវីដេអូដែលផ្ញើមកកាន់ Advan Auto កាលពីថ្ងៃទី ៣១ ខែសីហា កន្លងទៅនេះបញ្ជាក់ថា Tesla Model Y និង Model 3 ទាំងអស់នេះសុទ្ធតែជាឡានថ្មីគាស់កេស មានទាំងពណ៌ស ទាំងពណ៌ខ្មៅ ។

គួរបញ្ជាក់ថា Tesla Model Y ជាឡានអគ្គីសនីប្រភេទ SUV ដែលអាចជិះបាន 393km ដល់ 525km ចំណែក​ Model 3 ដែលជាប្រភេទ Sedan អាចជិះបាន 506km ទៅ 568km រាល់ពេលសាកអាគុយពេញម្តងៗ ។

លោកអ្នកក៏អាចទស្សនាវីដេអូ Review Tesla Model 3 ខាងក្រោមនេះ៖

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

Telegram : 👉Advan Aut