• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ថ្មីៗនេះក្រុមហ៊ុនផលិតរថយន្ដទំនើប BMW ទើបតែបានបង្ហាញឲ្យឃើញខ្លះៗនូវរូបភាព និងវីដេអូតេស្ដសាកល្បងឡានអគ្គិសនី ប្រភេទ Luxury Sedan SUV ថ្មីរបស់ខ្លួន ឈ្មោះថា BMW i7 សេរីឆ្នាំ ២០២៣​ ។

ក្នុងដំណើរការតេស្ដសាកល្បងសមត្ថភាពនេះ BMW i7 ត្រូវបានគេដាក់ឲ្យបើកបរសាកល្បងក្នុងចម្ងាយផ្លូវ ១ មុឺនគីឡូម៉ែត្រ ដោយឆ្លងកាត់ផ្លូវច្រើនប្រភេទទាំង ផ្លូវមានចរាចរណ៍មរមារញឹក, រត់លើផ្លូវឆ្ងាយ, ផ្លូវល្បឿនលឿន, ផ្លូវឡើងចុះភ្នំ និងផ្លូវដែលមានកម្ដៅខ្លាំងផងដែរ ដើម្បីជាការពិសោធន៍ពីភាពធន់របស់វា និងកែតម្រូវលើប្រព័ន្ធអគ្គិសនីរបស់ BMW ។ 

រូបភាព៖ BMW i7 (AutoCar)

សម្រាប់ព័ត៌មានលម្អិតផ្សេងៗទាក់ទងនឹងសមត្ថភាព រូបរាងខាងក្រៅ  និងខាងក្នុង របស់វា BMW សុំរក្សាជាការសម្ងាត់សិន គ្រាន់តែបានឲ្យដឹងខ្លះៗថា BMW i7 នេះនឹងត្រូវបំពាក់ជាមួយនឹងអាគុយថាមពល ១២០ kWh ដែលអាចបើកបានក្នុងចម្ងាយលើសពី ៤៣៥ ម៉ាលយ៍ ឬ ៧០០ គីឡូម៉ែត្រ រាល់ពេលសាកពេញម្ដងៗ។

ក្នុងនោះដែរ BMW i7 នឹងមានប្រភេទមួយទៀត នោះគឺ BMW i7 High-Performance ដែលត្រូវបានព្យាករណ៍ថានឹងបំពាក់មកជាមួយម៉ូទ័រអគ្គិសនី ៣ គ្រាប់ ផ្ដល់កម្លាំងបានដល់ទៅ  ៧៤០ សេះ ផងដែរ។ 

BMW ក៏បានបន្ថែមទៀតថា BMW i7 នេះនឹងមានវត្តមានជាផ្លូវការក្នុងឆ្នាំ ២០២២ ខាងមុខនេះ ស្របពេលជាមួយនឹងក្រុមរថយន្ដបងប្អូនរបស់ខ្លួនគឺ BMW 7-series lineup ផងដែរ។ 

ប្រភព៖ Carscoops អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto 

Subscribe Youtube Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto