បន្ទាប់ពី Toyota Prius បានក្លាយជាឡាន Hybrid ដែលលក់ដាច់បំផុតលើពិភពលោក ពេលនេះ Toyota បានបញ្ចេញកូនឡាន Hybrid ថ្មីមួយទៀតហើយ ដែលមានឈ្មោះថា Aqua នឹងត្រូវដាក់លក់ជាមួយតម្លៃធូរថ្លៃត្រឹមតែ $18000 តែប៉ុណ្ណោះ ។

វាត្រូវបានយកគម្រូតាម Toyota Prius C ដោយមានប្រវែង ៤ ម៉ែត្រ និងទទឹង ១.៦ ម៉ែត្រ បំពាក់ប្រព័ន្ធ Hybrid ដែលស៊ីសាំងតិច សន្សំសំចៃដល់ទៅ២០% មានម៉ាស៊ីនសាំងចំណុះ 1.5L ដែលជាម៉ាស៊ីនរបស់ Toyota Yaris និងប្រើប្រាស់បច្ចេកវិទ្យា Bipolar Technology ដែលអាចឲ្យអាគុយវាមានថាមពលខ្លាំងជាងម៉ូដែល មុនដល់ទៅពីរដង ។

Toyota Aqua មានកម្រិតស៊ីសាំងតិចបំផុតត្រឹមតែ 2.8L ប៉ុណ្ណោះសម្រាប់ការបើកបរ​១០០គម។ ជាមួយនឹងរូបរាងខាងក្រៅរបស់វា វាត្រូវបានប្រើប្រាស់គ្រោងឆ្អឹងថ្មី TNGA-B ដែលមានបណ្ដោយ ៤ ម៉ែត្រ ទទឹង ១ម៉ែត្រ ៦៩ និងកម្ពស់ ១មែត្រ ៤៨ ព្រមទាំងមានពណ៌ឲ្យជ្រើសរើសដល់ទៅ ៩ឯណោះ។

Toyota Aqua មាន ២ ជម្រើសគឺ Aqua B ដែលជាប្រភេទរត់ប៉ុងមុខ មានតម្លៃ $18000 និង Aqua Z ជាប្រភេទរត់ប៉ុងមុខក្រោយមានតម្លៃ $23600 ។

គួរបញ្ជាក់ថា Toyota ផលិតម៉ូឌែល Aqua នេះនៅក្នុងប្រទេសជប៉ុន ដើម្បីជំនួសឲ្យ Prius C បន្ទាប់ពី Toyota បានដក Prius C ចេញពីទីផ្សារអាមេរិកនៅឆ្នាំ ២០១៩ ព្រមទាំងរំពឹងថា Aqua អាចលក់ចេញបានខ្ទង់ ៩៨០០ គ្រឿងក្នុងមួយខែៗផងដែរ។

………………………………………………………………

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

Telegram : 👉Advan Auto