• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីពេលថ្មីនេះលោក​ ញាន ផល្លឹក ដែលគេស្គាល់ថាជាម្ចាស់ស្នាដៃបង្កើតឡានខ្មែរដំបូងបំផុត មានឈ្មោះថា រថយន្ដអង្គរ បានបើកបង្ហាញស្នាដៃចាស់ៗជាច្រើនទាក់ទងនឹងការផលិតឡាន ដោយប្រើប្រាស់គ្រឿងបង្គុំចាប់ឆាយ ដូចជាបំពាក់ម៉ាស៊ីនម៉ូតូ គ្រឿងឡានជជុះ 

រូបភាព៖ FB: Angkor Car

រីឯដំណើរការផលិតគឺដោយដៃផ្ទាល់តែម្ដង ប៉ុន្តែសមិទ្ធផលដែលទទួលបានគឺសុទ្ធសឹងតែជារថយន្តទំនើបស្ទើរមិនគួរជឿ ។

រូបភាព៖ FB: Angkor Car

នៅកំឡុងឆ្នាំ ២០១៣ និង ២០១៤ រថយន្ដអង្គរជំនាន់ទី ៤និងទី៥  បានក្លាយខ្លួនមកប្រើអគ្គសនីជំនួសម៉ាស៊ីនសាំង បូករួមជាមួយការបញ្ជាដោយស្កេនក្រយ៉ៅដៃ និងតាមរយៈកម្មវិធីក្នុងទូរសព្ទសម្រាប់បញ្ជេះ-ពន្លត់ម៉ាស៊ីន បើកទ្វារ បើកគម្របសាកភ្លើងជាដើម។

រូបភាព៖ FB: Angkor Car

លោក ផល្លឹកបានលើកឡើងនៅក្នុងបណ្តាញសង្គមថា ការផលិតឡានដោយដៃនេះមិនមែនជារឿងងាយស្រួល គឺត្រូវចំណាយពេលជាង ១ ឆ្នាំឯណោះ ទម្រាំបានឡាន ១ គ្រឿង ។

រូបភាព៖ FB: Angkor Car

ក្រៅពីសមិទ្ធផល រថយន្ដអង្គរ លោកបានបង្ហាញស្នាដៃថ្មីមួយទៀតដែលជាម៉ូតូអគ្គសនី ឆ្នាំ​ ២០១៥ ព្រមជាមួយនឹងកង់បីប្រើសូឡាសុទ្ធ ក្នុងក្នុងឆ្នាំ ២០១៦

រូបភាព៖ FB: Angkor Car

បន្ទាប់មកស្ថាបនិករូបនេះបន្ដផលិតបានរថយន្ដក្រុងមួយទៀត ដែលអាចផ្ទុកមនុស្សបាន ២២នាក់ ប្រើប្រាស់អគ្គិសនី និងដើរដោយសូឡា ថាមពល 16kW ក្នុងឆ្នាំ ២០១៦  និង ឡានអគ្គសនីពណ៌ឈាមជ្រូកដ៏ស្រស់ស្អាតថ្មីមួយទៀតនៅឆ្នាំ ២០១៨។ 

រូបភាព៖ FB: Angkor Car

កាលពីពេលថ្មីៗនេះស្ថាបនិកឡានអង្គរក៏បានបង្ហាញគម្រោងថ្មី ទាក់ទងនឹងការផលិតកង់បីបរិស្ថាន ឬ កង់បីអគ្គសនីសូឡា ជំនាន់ថ្មីឆ្នាំ ២០២២ ជាច្រើនគ្រឿងទៀតផង ដែលទាក់ទាញចំណាប់អារម្មណ៍សាធារណៈជនជាច្រើនលើបណ្ដាញសង្គម ខណៈដែលគម្រោងផលិតយានយន្តអគ្គីសនីនេះ នៅមិនទាន់មានអ្នកបោះទុនវិនិយោគធំដុំនៅឡើយ ។ 

ប្រភព៖ FB page: Angkor Car អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto