• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ខណៈអាមេរិកជាប្រភពនាំចូលរថយន្តមួយទឹកមកទីផ្សារកម្ពុជាធំជាងគេ ពេលនេះស្ថាប័នធំមួយនៅអាមេរិកបានប្រកាសឲ្យអ្នកទិញឡានមួយទឹកទាំងអស់ប្រុងប្រយ័ត្ន ខណៈដែល ឡានលិចទឹកជាច្រើន ត្រូវបានឈ្មួញឆ្លៀតឳកាសមួយចំនួនបានបានទិញមកសម្អាត ហើយក៏ចែកចាយលក់ក្នុងតម្លៃធម្មតា ដែលនេះពិតជាហានិភ័យសម្រាប់អតិថិជនអ្នកដែលទិញឡានមួយទឹកយក ទៅប្រើប្រាស់ជាក់ស្ដែងដូចជាប្រទេសកម្ពុជា ជាដើម ។

រូបភាព៖ The Hill

បើតាមសេចក្តីប្រកាសរបស់ សហពន្ធស្រាវជ្រាវបញ្ហាសាធារណៈអាមេរិក ហៅកាត់ថា U.S. PIRG បានឲ្យដឹងថា  ឡានលិចទឹករាប់ពាន់គ្រឿងត្រូវបានធ្វើការចែកចាយលក់ដោយឈ្មួញ ទៅគ្រប់ច្រកល្ហក់ដែលមិនទាន់មានផែនការគ្រប់គ្រងបាន ដូច្នេះហើយអ្នកដែលមានបំណងចង់ទិញឡានមួយទឹក ប្រើប្រាស់គួរតែមានការប្រុងប្រយត្ន័ និងឲ្យអ្នកជំនាញធ្វើការត្រួតពិនិត្យឲ្យបានច្បាស់លាស់មុននឹងធ្វើការបញ្ជាទិញ។ 

របាយការណ៍ពី Carfax បានប៉ាន់ស្មានថា ឆ្នាំនេះ ឡានលិចទឹកនៅតាមរដ្ឋមួយចំនួននៅអាមេរិរកដូចជា Louisiana និង California មានលើសពី ២១០០០០ គ្រឿងឯណោះ ដែលជាចំនួនមួយច្រើនលើសពីធម្មតា ។

U.S. PIRG ក៏បានបង្ហាញពីរបៀបនៃការកត់សម្គាល់ភិនភាគឡានលិចទឹកមួយចំនួនដូចជា ធ្វើការឆែកមើលកំហូចប្រពន្ធ័មេកានិក និងអគ្គិសនីតាមរយៈលេខ VIN, ពិនិត្យមើលស្នាមទឹក ដី ឬច្រែះផ្សេងៗតាមកន្លុកកន្លៀតឡាន, និងធ្វើការបើកសាកល្បងជាដើម។ 

ប្រភព៖​ CBS News ប្រែសម្រួល៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto