• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ទើបតែប្រកាសបើករោងចក្រខ្នាតយក្សនៅសៀងហៃ (ចិន) មិនទាន់បានប៉ុន្មានផង តេស្លា​ ប្រកាសប្រមែរប្រមូលយកឡាន Tesla Model Y រាប់ម៊ឺនគ្រឿងចូលរោងចក្រវិញដោយសារតែមានបញ្ហា ស្មាចង្កូត ឬ steering knuckle ។ 

តាមរយៈលិខិតជូនដំណឹងពីសំណាក់ រដ្ឋបាលបទបញ្ញត្តិទីផ្សារ ចិន (China’s State Administration for Market Regulation : SAMR) កាលពីពេលថ្មីៗនេះបានឲ្យដឹងថា ក្រុមហ៊ុន Tesla Shanghai កំពុងតែរៀបចំសំណើរប្រមូលយកឡានអគ្គិសនី Tesla Model Y ដែលផលិតក្នុងរង្វង់ខែ កុម្ភៈ និងខែតុលា ឆ្នាំ ២០២១ សរុបជាង ២១ ៥៩៩ គ្រឿង ដែលសង្ស័យថាមានបញ្ហាស្មាចង្កូត ត្រឡប់មកត្រួតពិនិត្យ និងជួសជុលឡើងវិញ ដោយមិនយកកម្រៃសេវាកម្ម ព្រមទាំងត្រួតពិនិត្យលើកំហូចផ្សេងៗពាក់ពន្ធ័នឹងសុវត្ថិភាពជូនផងដែរ។

មូលហេតុគឺដោយសារតែ ការដំឡើងស្មាចង្កូត មុខក្រោយមិនត្រឹមត្រូវតាមលក្ខណៈបច្ចេកទេស ដែលអាចបណ្ដាលឲ្យខូចទ្រង់ទ្រាយ បាក់ ឬរបេះចេញពីតួខ្លួន ពេលកំពុងបើកបរ នាំឲ្យប៉ះពាល់ដល់ប្រព័ន្ធគ្រប់គ្រងចង្កូត ជាហេតុអាចបង្កឲ្យមានគ្រោះថ្នាក់ចរាចរណ៍ជាយថាហេតុ។

រូបភាព៖ ស្មាចង្កូត ឬ Steering Knuckle (Source: Mechademic)

Tesla Shanghai ក៏បានសំណូមពរឲ្យម្ចាស់ឡាន Tesla Model Y ទាំងអស់ យកឡានរបស់ខ្លួនទៅឲ្យអ្នកជំនាញត្រួតពិនិត្យមើលលើប្រព័ន្ធទាំងអស់នេះ ដើម្បីជៀសវាងកុំឲ្យមានបញ្ហា ហើយក្រុមហ៊ុនតេស្លានឹងជូនដំណឹងដល់ម្ចាស់ឡានតាមរយៈសារអេឡិចត្រូនិច​ សម្រាប់ការណាត់ជួសជុលឡើងវិញ។

ប្រភព៖ Electrek អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto 

Subscribe Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto