អាមេរិកជាប្រភពនាំចូលឡានធំជាងគេមកទីផ្សារកម្ពុជា ប៉ុន្តែពេលនេះឡានមួយទឹកនៅអាមេរិកកំពុងឡើងថ្លៃលើសឡានថ្មីគាស់កេះកាលពី២ឆ្នាំមុនទៅទៀត ។

ខណៈដែលឡានមួយទឹកកំពុងតែមានសន្ទុះខ្លាំង បច្ចុប្បន្ននេះវាបានឡើងថ្លៃលើស​ពីមុន​ដល់ទៅ៣០ភាគរយ ដោយសារតែតម្រូវការនៃការប្រើប្រាស់ច្រើនជាងឡានដែលផលិតបាន ដែលធ្វើឲ្យហាងលក់ឡានជាច្រើននៅអាមេរិកឆ្លៀតដំឡើងថ្លៃឡានមួយទឹកលើសមុន ។

បើយោងទីតាមនាយកដ្ឋានការងារអាមេរិកបានឲ្យដឹងថា តម្លែរថយន្ដជជុះនេះមានការកើនឡើង ១ភាគ៣ នៃអតិផរណាកាលពីខែមុន និងបន្ដកើនឡើង​១០% ក្នុងខែមេសា និង ៧.៣% ក្នុងខែឧសភា។​ បើយោងតាមគេហទំព័រសារព័ត៌មានរថយន្ត Edmund.com បានបង្ហាញថាតម្លៃមធ្យមនៃរថយន្ដមួយទឹកនៅក្នុងខែនេះគឺ ២៦, ៤៥៧$​។​

ឡានដែលលក់ដាច់ស្តុករួមមានដូចជា Ford F150 Raptor ,Jeep Wrangler 2019, Unlimited Rubicon, Mercedes G class AMG63 ។ សូម្បីតែ Tacoma ដែលហាក់មានតម្លៃទាបជាងគេក្នុងចំណោមឡាន Pick up របស់ Toyota បកកេះកាលពីឆ្នាំ២០១៩ មានតម្លៃដើម 29000$ ឥឡូវនេះឡើងដល់ 33000$ ទាំងដែលវាជាឡានមួយទឹក ។ 

បញ្ហានេះចាប់ផ្តើមកើតឡើងក្នុងកំឡុងខែមេសា និងឧសភាឆ្នាំមុនកន្លងទៅ ដែលក្រុមហ៊ុនផលិតរថយន្ដត្រូវបានផ្អាកដំណើរការរយៈេពេល ៨សប្ដាហ៍ដើម្បីបញ្ជៀសនៅការរីករាលដាលនៃជម្ងឺកូវីដ១៩ ដែលធ្វើឲ្យមានភាពរាំងស្ទះដល់ដំណើរការផលិត ស្របពេលដែលតម្រូវការមានការកើនឡើង។ គួរបញ្ជាក់ថា កង្វះខាងនៃបន្ទះឈីបក៏ជាមូលហេតុមួយធ្វើឲ្យការផលិតឡានធ្លាក់ចុះ ដែលជាដើមចមនាំឲ្យឡានឡើងថ្លៃផងដែរ ។

………………………………………………………………

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

Telegram : 👉Advan Auto