ឡានអនាគតឆ្នាំ ២០៥០ ចេញរូបរាងពិតនៅនាពេលបច្ចុប្បន្ន

នេះជាឡានអនាគតនាឆ្នាំ ២០៥០ ដែលមានក្រុមហ៊ុនឡានល្បីៗចំនួន ៥ បានបញ្ចេញរូបរាងជាផ្លូវការនាពេលបច្ចុប្បន្ន វាជាឡានពិតៗ មិនមែនមានតែរូបគំនូរយកមកអួតគេនោះទេ ។ តើឡានអនាគតទាំងនេះទំនើបហើយឡូយជាងឡានបច្ចុប្បន្នត្រង់ណាខ្លះ ទៅតាមដានលម្អិតជាមួយ Advan Auto ទាំងអស់គ្នា។

1. Toyota Concept i

ចាប់ផ្តើមពីក្រុមហ៊ុនល្បីឈ្មោះនៅអាស៊ីយើងទៅមុនចុះ Toyota Concept i ឬ Toyota Yui ជាឡានអនាគត ដែល Toyota ឌីហ្សាញសម្រាប់ឆ្នាំ ២០៥០ ខាងមុខ ប៉ុន្តែវាត្រូវបានដាក់តាំងបង្ហាញរាងពិតៗឲ្យគេឃើញរួចមកហើយនៅក្នុងកម្មវិធី CES 2017 ។

Yui ជាឡានឆ្លាតវៃ បំពាក់ដោយ AI, Design បែប Cute Cute ផលិតឡើងដើម្បីជាជំនួសការផ្ទាល់ខ្លួនរបស់អ្នកបើកបរ ។

ការឌីហ្សាញ Concept i ទាំងក្នុងទាំងក្រៅពោរពេញដោយពណ៌ស៊ីជម្ពូរស្រស់ឆើតឆាយ បំពាក់ដោយ AI ដែលអាចនិយាយឆ្លងឆ្លើយជាមួយមនុស្ស ព្រមទាំងជួយការងារផ្សេងនៅក្នុងឡានផងដែរ ដូចជាបញ្ជាមុខងារផ្សេងៗ ប្រាប់ព័ត៌មានទៅអ្នកបើកបរ ហើយ Concept i ក៏បានហក់លោតចូលសមរភូមិឡានបើកដោយស្វ័យប្រវត្តិផងដែរ ។

អ្វីដែលពិសេសសម្រាប់ Yui គឺវាបំពាក់ដោយ Biometric Sensor ដែលអាចចាប់យកព័ត៌មាននិងវិភាគពីអារម្មណ៍របស់មនុស្ស ប្រសិនបើ AI ដឹងថាម្ចាស់ឡានកំពុង SAD ដោយសារសង្សារសុំបែក វានឹងណែនាំវិធីសាស្ត្រមួយចំនួនដើម្បីកុំឲ្យយើងសេដខ្លាំងពេក ហើយជួយបើកឡានជំនួសយើង ជៀសវាងយើងបើកឡានបុកគេដើម្បីបន្ធូរអារម្មណ៍ ។

ក្រៅពីហ្នឹង Yui វាប្រៀបដូចជាមនុស្សអញ្ចឹង ដោយវាចេះទាក់ទងជាមួយឡានផ្សេងៗទៀតនៅលើដងផ្លូវ បើវាចាប់អារម្មណ៍ឡានមួយ វាឲ្យភ្នែកគេបែបនេះ [Insert Footage]។

2. Rolls Royce 103X

Rolls Royce 103X ជាឡានអនាគតមួយស្ថិតនៅក្នុងគម្រោង Vision 100 Next របស់ BMW Group ដោយម្តងនេះ Rolls Royce ប្រែកាយ ១៨០ ឌឺក្រេតែម្តង ពីឡាន Classic មកជាឡានអនាគត ។ ពីមុនយើងធ្លាប់ឃើញ Rolls Royce មានទ្វារ ៤ តែម្តងនេះ ដោយសារតែវាជាឡានបើកដោយស្វ័យប្រវត្តិ អញ្ចឹង Rolls Royce សម្រេចចិត្តដកទ្វារមុខចេញតែម្តង ដើម្បីយក Space ឲ្យទូលាយជាងមុន ដោយយើងឃើញនៅខាងក្នុងនេះ មិនមានលេងម៉ូឌសិល្បៈអ្វីច្រើនដូចមុនទេ គឺវាមានតែអេក្រង់ធំមួយ ហើយកៅអីក្រោយគេប្តូរទៅដាក់សាឡុងធំមួយតែម្តង ដើម្បីឲ្យយើងមានអារម្មណ៍ថាដូចអង្គុយក្នុង KTV អូ! ច្រឡំដើម្បីឲ្យយើងមានអារម្មណ៍ថាដូចអង្គុយក្នុងបន្ទប់ទទួលភ្ញៀវ ។

Rolls Royce 103X អាចបើកបានទាំងទ្វារ និងដំបូលឡើងលើ ទៅព្រមគ្នាតែម្តង ដើម្បីសម្រួលដល់ការចូលឡានកាន់ងាយស្រួលជាងមុន មិនបាច់ពិបាកអោបក្រោបឲ្យឈឺឆ្អឹងខ្នងទេ ហើយអ្វីដែលយើងគួរឲ្យចាប់អារម្មណ៍នោះ គឺវាអត់មានបញ្ចេញកង់ដូច Rolls Royce នាពេលបច្ចុប្បន្ននេះទេ មូលហេតុដែលគេធ្វើគម្រប់គ្របកង់នេះ ដោយសារគេធ្វើឲ្យវាមើលទៅ Clean Minimize ឬនិយាយឲ្យស្រួលស្តាប់ថា ស្រឡះមុខស្រឡះមាត់ ហើយវាក៏ជួយពង្រឹង Aerodynamic ដើម្បីឲ្យខ្យល់ហូរកាត់ឡានបានល្អ ។

ឡានមួយនេះ ចែ Blondie គាត់បាន Review រួចហើយ នៅខាងមុខនេះ គេមានកន្លែងឲ្យយើងដាក់វ៉ាលីបាន ១ គូ ហើយ Rolls Royce ក៏អត់ចោលស្តាយ៍ចាស់ដែរ គឺឆ្លៀតបង្កប់ឆ័ត្រ ១ ដើមនៅក្នុងទ្វារនេះ ។

ថ្វីត្បិតថាឡាននេះចេញរូងរាងជាផ្លូវការ តែយើងក៏អត់ទាន់ដឹងថាថ្ងៃណាគេចេញលក់ដែរ តែជួយចុច Follow Page និង Subscribe Channel Advan Auto ទុកឲ្យហើយទៅ គេចេញលក់ពេលណា ខ្ញុំនឹងទិញវាយកមក Review តែម្តង ។

3. BMW Vision 100 Next

គម្រូឌីហ្សាញរបស់ BMW Vision 100 Next វាប្រហាក់ប្រហែលគ្នានឹង Rolls Royce ដែរ ដោយសារ ២ នាក់នេះជាបងប្អូនរស់ក្រោមដំបូលផ្ទះតែមួយ ហើយក្រៅពីនេះ BMW ក៏បានបញ្ចេញ Mini Vision 100 Next និង BMW Motorrad នៅក្រោមប៉ាតង់យានយន្តនៃថ្ងៃអនាគតរបស់ខ្លួន ។

BMW Vision 100 Next ផ្តោតលើ Performance ក្នុងការបើកបរ ដោយគេផ្តោតទៅកញ្ចក់មុខនេះច្រើន ។

វា ខុសពីគេត្រង់ថា នៅខាងក្នុងឡានអត់មានអេក្រង់បង្ហាញព័ត៌មានដូចគេ ដោយ BMW បានប្រើកញ្ចក់ឡានធំនេះជាអេក្រង់បង្ហាញព័ត៌មានជំនួសវិញ ។ គេធ្វើឲ្យយើងមានអារម្មណ៍ថាខ្លួនឯងដូចទេវតាអញ្ចឹង យើងមើលធ្លុះថា នៅខាងមុខមានឧបស័គ្គអ្វីខ្លះ ដោយឡានវានឹងបង្ហាញរូបភាពសិប្បនិម្មិតនៅក្នុងកញ្ចក់មុខនេះ ។

រូបរាងរបស់វាស្រោបដោយអេក្រង់ Flexible OLED ដូចស្មាតហ្វូនអញ្ចឹង ដោយអេក្រង់នេះអាចបត់បែនរមូលចូលគ្នាដូចក្រដាសអញ្ចឹងដែរ ។ ដូចជាក់ស្តែងនៅផ្នែកកង់មុខនេះ ពេលកង់បត់វានឹងរីកមាឌគម្របកង់ឡាន ហើយពេលឡានបែរចង្កូតត្រង់វានឹងរួមចូលវិញ ចំណែកភ្លើងក្រហមៗដែលយើងឃើញនេះ វាជាអេក្រង់ OLED ហ្នឹងឯង ។

BMW មួយនេះក៏ជាឡានក្នុងក្តីស្រមៃរបស់ Admin ផងដែរ ចឹងជួយ Follow Page និង Subscribe Channel Advan Auto មួយទៅ ចាំ admin ទិញវាមក Review តែម្តង ។

4. Mercedes Benz EQ Silver Arrow

បើនិយាយរឿងអនាគតបច្ចេកវិទ្យា Mercedes Benz អត់ដែលដើរក្រោយទេ ដូចជាស្តែង EQ Silver Arrow នេះអញ្ចឹង វាជាឡានអនាគតដែលប្លែកខុសស្រឡះពីគេម្តង ។ វាមានតួខ្លួនវែងប្រមាណ ៥.៣ ម៉ែត្រ តែមានទទឹងតែ ១ ម៉ែត្រទេ ហើយមានតែ ១ កៅអីប៉ុណ្ណោះសម្រាប់អង្គុយ ។

វាជា Concept ឡានប្រណាំងនៅថ្ងៃអនាគត ហើយដោយសារវាមានតួខ្លួនវែង ស្រួចឆ្លើមបែបនេះហើយបានជាគេហៅវាថា Mercedes Benz EQ Silver Arrow ។

ឡានអនាគតមួយនេះបំបែកការឌីហ្សាញចេញពីឡានប្រណាំងសេរីចាស់របស់ Mercedes ដែលបំពាក់ម៉ាស៊ីន ១២ ស៊ីឡាំងកាលពីឆ្នាំ ១៩៣៧ ធ្លាប់ប្រណាំងឈ្នះក្នុងកម្មវិធី Grand Prix Racing Car ។

EQ Silver Arrow ជាឡានអគ្គីសនី ដែលបំពាក់អាគុយកម្លាំង 80KWH អាចរត់បានចម្ងាយ 400km ពេលសាកអាគុយពេញ និងផលិតកម្លាំងបាន 550KW ដែលប្រហាក់ប្រហែលនឹង 700 សេះជាង ។

រូបរាងបែបនេះ ការឌីហ្សាញបែបនេះ Mercedes Benz ហៅវាថា Opposite of Cool and Hot Design ។ [ Insert Vanda Music]

តួខ្លួនរបស់វាហ៊ុំព័ទ្ធដោយអេក្រង់ LED ដែលបង្ហាញនិម្មិតសញ្ញា EQ នៅខាងមុខនេះ អមជាមួយនឹងអំពូល Led ដែលអូសកាត់ជុំវិញខ្លួនវា ។

នៅខាងក្នុង មានបំពាក់អេក្រង់ធំមួយ ដែលផ្តល់រូបភាពផ្លូវជាលក្ខណៈ 3D ដើម្បីជំនួយដល់ការប្រណាំងឡាន ហើយចង់បញ្ជាក់បន្តិចឡានហ្នឹងអត់មានទ្វារទេ គឺថាចង់ចូលឡាន ត្រូវលោតចូលពីខាងលើតែម្តង ។

5. Audi AI:CON

Audi AICON ឬ Audi AI:CON ជាឡានដែលមានទ្វារ ៤ បើកបញ្ច្រាស់គ្នា ដោយ Audi ផ្តោតលើ ៤ ចំណុចធំៗគឺ Space/Form/Function និង Interior ។

យើងនិយាយពី Space ឬក៏ភាពទូលាយរបស់ឡាននេះទៅមុន ។ Audi បញ្ជាក់ថា AICON ជាឡានអនាគតដំបូងបំផុតដែលបំពាក់កាបីនដូចយន្តហោះលំដាប់ First Class អញ្ចឹងដែរ អមជាមួយការដេគ័រពីឈើប្រណិតបែប Classic ឡាយឡំជាមួយកៅអីទំនើប បំពាក់ដោយភ្លើង Romantic ដូចនៅក្នុងក្លឹបអញ្ចឹង ហើយខាងក្នុងហ្នឹង វាមានអេក្រង់វែងមួយសម្រាប់បង្ហាញព័ត៌មាន ស្វាគមន៍ម្ចាស់ឡាន ទុកប្រើសម្រាប់ការកម្សាន្តជាដើម។

ត្រឡប់មកការឌីហ្សាញនៅខាងក្រៅវិញ វាបំពាក់ដោយ 3D Pixel ចំនួន ៦០០ គ្រាប់ នៅផ្នែកខាងមុខនិងខាងក្រោយនេះ ។

អញ្ចឹង 3D Pixel ទាំងអស់នេះក្រៅតែពីប្រើជំនួស ភ្លើងស្តុបមុខក្រោយ វាក៏អាចបង្ហាញជារូបភាព គំនូរជីវចល និងព័ត៌មានផ្សេងៗផងដែរ ។

អ្វីដែលយើងមិនអាចមើលរំលងមួយទៀតគឺវាជាឡានអគ្គីសនីដែលអាចធ្វើការដោយស្វ័យប្រវត្តិមិនថាការបើកបរ ឬក៏សាកអាគុយទេ ។ អញ្ចឹងពេលវាបើកដល់កន្លែងសាកអាគុយ វាចេះសាកអាគុយដោយខ្លួនឯង មិនបាច់ពិបាកមនុស្សទាញឆ្នាំងសាកមកសាកទេ ។

ការសាកអាគុយ ៣០ នាទីវាអាចឡើងថាមពលដល់ ៨០% ហើយអាគុយ ១ ពេញអាចជិះបានដល់ទៅ 800Km ឯណោះ ។

ឡានអនាគតឆ្នាំ ២០៥០ ចេញរូបរាងពិតនៅនាពេលបច្ចុប្បន្ន

អត្ថបទថ្មី

អត្ថបទទាក់ទង

វីដេអូ