• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

តាមរយៈខ្លឹមសារនៃសេចក្ដីជូនដំណឹងរបស់អគ្គនាយកដ្ឋានគយ និងរដ្ឋករកម្ពុជា ចុះនៅថ្ងៃទី ២ខែកញ្ញា ឆ្នាំ២០២១ កន្លងទៅនេះបានពាំនាំមកជាមួយនឹងខ្លឹមសារ ៥ចំណុចស្ដីពីការអនុវត្តប្រមូលពន្ធ និងអាករនាំចូលលើយានយន្ដ ដែលមានដូចជា ការផ្អាកនូវសកម្មភាពបង្រ្កាបយានយន្ដនៅក្នុងតំបន់មួយចំនួនចាប់ពីពេលនេះរហូតដល់បំណាច់ឆ្នាំ ២០២១។ 

ចំពោះម្ចាស់យានយន្ដមានឆ្នាំផលិតក្រោម ២០២១ មានចង្កូតឆ្វេង និងជ្រកក្រោមផ្លាកលេខផ្សេងៗ ហើយមិនទាន់បានបំពេញកាតព្វកិច្ចបង់ពន្ធបានទាន់ពេលវេលា អាជ្ញាធរ នឹងធ្វើការលើកទឹកចិត្ត ដោយបន្ធូរបន្ថយពន្ធ ១០% នៃប្រាក់ពន្ធអាករសរុបដែលត្រូវបង់ ដែលការបន្ធូរបន្ថយនេះមានសុពលភាពត្រឹមថ្ងៃទី ៣០ខែធ្នូឆ្នាំ ២០២១ ហើយចាប់ពីថ្ងៃទី ១ខែមករា ឆ្នាំ ២០២២ ដល់ថ្ងៃទី ៣០ ខែមិថុនា ឆ្នាំ២០២២ ដែលជាថ្ងៃចុងក្រោយនៃការបង់ពន្ធ ការបង់ពន្ធត្រូវបានគិតជាធម្មតាពុំមានការបន្ធូរបន្ថយឡើយ។ មួយវិញទៀតសម្រាប់ឡានចង្កូតស្ដាំ ម្ចាស់ឡានត្រូវតម្កល់ប្រាក់កក់ស្មើនឹងប្រាក់ពន្ធ និងអាករសរុបដក ១០% ព្រមទាំងត្រូវកែចង្កូតរថយន្ដឲ្យបានរួចរាល់មុនថ្ងៃផុតកំណត់បង់ពន្ធ ទើបម្ចាស់រថយន្ដអាចមកទទួលបង្កាន់ដៃ និងលតាបត្របង់ពន្ធពីមន្ដ្រីគយបាន។ 

នៅក្នុងខ្លឹមសារសេចក្ដីជូនដំណឹងក៏បានបញ្ជាក់ច្បាស់ដែរថា ចាប់ពីថ្ងៃទី ០១ ខែកក្កដា ឆ្នាំ ២០២២ តទៅអាជ្ញាធរនឹងធ្វើការចុះបង្ក្រាបយានយន្ដដែលគ្មានពន្ធ និងតម្រូវឲ្យធ្វើការបង់ពន្ធ បូកជាមួយនឹងប្រាក់ផាកពិន័យតាមលិខិតបទដ្ឋានជាធរមាន រីឯរថយន្ដចង្កូតស្ដាំដែលចាប់បាននឹងត្រូវកំទេចចោល ឬដោះបំបែកធ្វើជាគ្រឿងបន្លាស់។ 

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto