• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

យោង​តាមគោលនយោបាយ “អគ្គិសនីភាវូបនីយកម្មនៃយានយន្ត ដើម្បីអនាគតបៃតងសម្រាប់កម្ពុជា” ដែលទើបតាមបានអនុម័តកាលពីពេលថ្មីៗនេះ ក្រសួងសាធារណការ និង​ដឹកជញ្ជូន កំពុងគិតគូររៀបចំការសាងសង់ស្ថានីយ៍សាកឡានអគ្គិសនីនៅតាមបណ្ដារាជធានី ខេត្តហើយ ដោយកាលពីថ្ងៃទី ១៥ កន្លងទៅ ឯកឧត្តម ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ជូនផ្លូវគោក ក្រសួងសាធារណការ និងដឹកជញ្ជូន អមដោយមន្ត្រីជំនាញ បានចុះសិក្សាលើលទ្ធភាពដំឡើង ទីតាំងស្ថានីយសាករថយន្តអគ្គិសនី ក្នុងខេត្តបាត់ដំបង និងសៀមរាប។ 

រូបភាព៖ ឯកឧត្តម ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ជូនផ្លូវគោក និងមន្ដ្រីជំនាញចុះពិនិត្យទីតាំងសាងសង់ស្ថានីយ៍សាកឡានអគ្គិសនីក្នុងខេត្តសៀមរាប

ក្នុងនោះដែរ ក្រសួងក៏កំពុងរៀបចំគោលនយោបាយគាំទ្រការប្រើប្រាស់រថយន្តអគ្គិសនី(EVs) ដោយ ការធានាឱ្យមានហេដ្ឋារចនាសម្ព័ន្ធទាំងមូលសម្រាប់ ឡានអគ្គិសនី (EVs) នៅកម្ពុជា ដូចជា ស្ថានីយសាករថយន្តអគ្គិសនី កន្លែងផ្តល់សេវា គ្រឿងបន្លាស់ បុគ្គលិកទទួលការបណ្តុះបណ្តាល និងកន្លែងបោះចោលអាគុយព្រមជាមួយនឹងការធានាគុណភាពរថយន្ដអគ្គិសនីដែឡនាំចូលមកមកលក់ក្នុងប្រទេសកម្ពុជាផងដែរ។ 

រូបភាព៖ ឯកឧត្តម ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ជូនផ្លូវគោក និងមន្ដ្រីជំនាញចុះពិនិត្យទីតាំងសាងសង់ស្ថានីយ៍សាកឡានអគ្គិសនីក្នុងខេត្តបាត់ដំបង

លើសពីនេះទៅទៀត តាមរយៈការស្នើរសុំរបស់ឯកឧត្តមទេសរដ្ឋមន្ត្រី ស៊ុន ចាន់ថុល បានឲ្យដឹងដែរថា UNDP គ្រោងផ្តល់ជូនស្ថានីយសម្រាប់សាកឡានអគ្គិសនីចំនួន៥ទីតាំង នៅតាមបណ្ដារាជធានី-ខេត្ត ក្នុងនោះមាន ២ទីតាំងនៅក្នុងខេត្តបាត់ដំបង និងខេត្តសៀមរាប ដើម្បីជាអំណោយលើកទឹកចិត្ត និងជាការទាក់ទាញចំណាប់អារម្មណ៍ប្រជាពលរដ្ឋឲ្យប្រើប្រាស់ឡានអគ្គិសនីផងដែរ។

រូបភាព៖ ឯកឧត្តមទេសរដ្ឋមន្ដ្រី ស៊ុន ចាន់ថុល ជួបសំណេះសំណាលពីគោលនយោបាយលើកកម្ពស់ការប្រើប្រាស់ឡានអគ្គិសនីនៅកម្ពុជា

ប្រភព៖ MPWT អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto 

Subscribe Youtube Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto