• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ពេលនេះ ការអភិវឌ្ឍផ្នែកឧស្សាហកម្មយានយន្ដ ឥណ្ឌាបានបោះជំហានទៅមុខមួយទៀតហើយ ដោយកាលពីពេលថ្មីៗនេះ លោក នីទីន ហ្គាដការី (Nitin Gadkari) រដ្ឋមន្ដ្រីក្រសួងសាធារណការ និងដឹកជញ្ជូនប្រចាំប្រទេស ឥណ្ឌា​ (Ministry of road transport and highways: Morth) បានប្រកាសពីរបកគំហើញថ្មី គឺការបម្លែងទឹកកខ្វក់ឲ្យទៅជាអ៊ីដ្រូសែនបៃតង ឬអ៊ីដ្រូសែនសេរីរាង្គ (Green hydrogen fuel) សម្រាប់ដុតចំហេះម៉ាស៊ីនយានយន្ដ។ 

លោកបានឲ្យដឹងថា ក្នុងដំណើរការនេះ គេនឹងយកទឹកកខ្ខក់ ដូចជាទឹកលូ ទឹកដែលប្រើប្រាស់ហើយចេញពីផ្ទះ ទៅចម្រោះ និងបម្លែងទៅជាអ៊ីដ្រូសែនបៃតង ដោយប្រើថាមពលដែលបានពីព្រះអាទិត្យ ឬសូឡា និង ឧបករណ៍អេឡិចត្រូលីស ។ សម្រាប់អ៊ីដ្រូសែនបៃតងនេះ អាចប្រើប្រាស់បានជាមួយនឹងយានយន្ដគ្រប់ប្រភេទ មិនថាជាទោចក្រយាន្ដ កូនឡានធម្មតា ឡានដឹកទំនិញ និងរថភ្លើង ដែលវាមិនបញ្ចេញជាតិពុលដូចជាសាំង ម៉ាស៊ូត ពោលគឺវាបញ្ចេញមកវិញជាជាតិទឹកក្នុងបរិយាកាស ។ អត្ថប្រយោជន៍មួយទៀតគឺវាអាចកាត់បន្ថយចំណាយការនាំចូលប្រេង ពីក្រៅប្រទេស​ ហើយការចំណាយលើការកែច្នៃក៏ត្រូវការមិនច្រើនផងដែរ។

លោកបានបន្ថែមទៀតថា នៅសប្ដាហ៍ដំបូងនៃខែមករា ឆ្នាំថ្មីនេះ ឥណ្ឌានឹងនាំយកឡានប្រើប្រាស់អ៊ីដ្រូសែន ឬឥន្ទនៈសេរីរាង្គ របស់ក្រុមហ៊ុន Toyota មកសាកល្បងប្រើប្រាស់អ៊ីដ្រូសែនបៃតង ដែលបានផលិតរួចរាល់ពីមន្ទីរពិសោធន៍ ប្រេងរបស់ឥណ្ឌា (Indian Oil Corporation: IOC Faridabad laboratory) និងលើកកម្ពស់ការប្រើប្រាស់រថយន្ដប្រភេទនេះក្នុងរង្វង់ ២ឆ្នាំទៅមុខទៀត។ 

ប្រភព៖ ET Auto អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto