អ្នកទើបកាន់ចង្កូតឡានថ្មីៗមិនខុសអីពីក្មេងទើបចេះដើរទេ ច្បាស់ជាមានដួលខ្លះ ជាពិសេសនារីៗ ដូចនេះ Advan Auto សូមបង្ហាញជូននូវវិធីអនុវត្តន៍ងាយៗសម្រាប់អ្នកដែលចង់ពង្រឹងទឹកដៃ បើកឡានឲ្យបានប្រសើរជាងមុន និងប្រកបដោយសុវត្ថិភាព

1. រៀបគម្រោងទុកមុន

ប្រសិនបើអ្នកដឹកថាខ្លួនឯងត្រូវទៅណា សូមទាញ Google Map យកមកឆែកមើលផ្លូវមុន ថាផ្លូវណាដែលទូលាយងាយស្រួលឲ្យអ្នកបើកឡាននោះអ្នកនឹងមានការផ្ដោត និងមិនសូវបារម្ភរឿងបញ្ហាចរាចរណ៍ផ្សេងៗ ។

2. រក្សាគម្លៀតសុវត្ថិភាព

ក្បួនងាយស្រួលមួយសម្រាប់មាន់ថ្មីៗគឺ យកល្បឿនបើកបរមកចែកជា ២ អ្នកនឹងដឹងថាគួរទុកគម្លៀតប៉ុន្មានពីឡានខាងមុខ ។ឧទាហរណ៍ថាអ្នកបើកបរល្បឿន ៧០ km/h ដូចនេះអ្នកគួរទុកគម្រៀតសុវត្ថិភាពប្រហែល 35m ពីឡានខាងមុខ ។

3. រក្សាអារម្មណ៍ឲ្យនឹងនរ

បើកឡានថ្មីៗ អ្នកមិនគួរបែកអារម្មណ៍ទៅគិតអ្វីផ្សេងទេ ដូចនេះហាមប្រកែកគ្នាពេលបើកឡាន និយាយគ្នាលេងច្រើនពេក ឬចាក់ចម្រៀងឮៗ ព្រោះវាអាចធ្វើឲ្យអ្នកបាត់បង់ការផ្តោតអារម្មណ៍បាន ។

4. បើកឡានមួយៗ

បើកឡានតាមសម្រួល ពេលចង់បត់ឲ្យសញ្ញាសុំផ្លូវហើយចាំឲ្យឡានផ្សេងទៅមុខអស់ចាំប្តូរគន្លង ។ហើយចង់ វ៉ាសូមធ្វើវាឲ្យដូចជារ៉ូតខោ គឺវ៉ាម្តង ១ ឡាន ម្តង ១ឡាន​។បើក្នុងករណីមិនច្បាស់ ពីស្ថានភាពផ្លូវខាងមុខគួរបន្ថយល្បឿន​ និងបើកយឺតៗ​ (ហាម Drift)

5. កុំមើលទេសភាពតាមផ្លូវច្រើនពេក

ការងាកមើលទេសភាពតាមផ្លូវច្រើនពេក អ្នកធ្វើឲ្យអ្នកភ្លេចខ្លួន នាំឲ្យមានគ្រោះថ្នាក់ ។ អ្វីដែលអ្នកគួរក្រឡេកមើលគឺផ្លូវនៅខាងមុខ ងាកមើលកញ្ចក់ក្រោយ ឆ្វេង ស្តាំ ។

ទស្សនា​វីដេអូ៖

..................................................................................

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

Telegram : 👉Advan Auto